უკან

დღის კალენდარი

ანონსები

არქივი

ეკონომიკა

7 დეკემბერი, 2017 10:45
font-size

საქართველოს კომერციული ბანკები მომგებიანობით ევროპისა და აზიის კონტინენტის სახელმწიფოთა შორის პირველ ადგილზეა

საერთაშორისო სავალუტო ფონდის ინფორმაცით, საქართველოს კომერციული ბანკები მომგებიანობით ევროპისა და აზიის კონტინენტის სახელმწიფოთა შორის პირველ ადგილზეა. ამავე ფონდის კვლევით, საბანკო დავალიანების მქონე მოსახლეობის სიჭარბით საქართველო მსოფლიოში მეორე ადგილზეა. 2015 წლის კვლევებით, ჩვენთან ყოველ 1000 კაცზე 676 მოსახლეს აქვს ბანკის ვალი. ამის შესახებ „კომერსანტი“ წერს.

სავალუტო ფონდი ჯერ კიდევ 2013 წლის მონაცემებზე დაყრდნობით შეშფოთებას გამოხატავდა, რომ საქართველოში ყოველი მესამე სესხის ამღები ფიზიკური პირი თავისი შემოსავლის ნახევარზე მეტს იხდიდა ბანკის ვალის მომსახურებისათვის ყოველთვიურად. დღეს ეს მაჩვენებელი გაცილებით მაღალი იქნება.

ფინანსისტი მიხეილ დუნდუა გამოთქვამს მოსაზრებას, რომ საბანკო სფეროში გარკვეული ცვლილებები დაწესდეს: „უნდა შევასრულოთ სავალუტო ფონდის რეკომენდაცია, სესხის მომსახურება/შემოსავალთან ლიმიტი უნდა დაწესდეს მხოლოდ შინამეურნეობებისათვის გასაცემ ყველა იპოთეკურ და არაიპოთეკურ სესხზე. ასევე, სესხის მომსახურება, ანუ სესხის დასაფარად ყოველთვიურად შესატანი თანხა უნდა იყოს მსესხებლის შემოსავლის 30%-ზე დაბალი, უცხოურ ვალუტაში კი 20%-ზე დაბალი. კომერციულმა ბანკებმა არ უნდა მიაქციონ ზედმეტი ყურადღება გირაოს უზრუნველყოფას, შემოსავლის დადასტურების გარეშე სესხის გაცემა კი სამუდამოდ უნდა აიკრძალოს.

2014 წელს სავალუტო ფონდი შეშფოთებას გამოხატავდა, როცა მიუთითებდა, რომ საბანკო სესხის ამღები პირების ერთი მესამედი თავისი შემოსავლის ნახევარზე მეტს ბანკის ვალის მომსახურებისთვის იხდისო და მოუწოდებდა ეროვნულ ბანკს ლიმიტების დაწესებისკენ. დღეს ეს მაჩვენებელ გაცილებით, გაცილებით მაღალი იქნება“, - აცხადებს დუნდუა.

„არასაბანკო ფინანსურ დაწესებულებათა ასოციაციის“ თავმჯდომარის ირაკლი ბერძენაძის თქმით, ის ფაქტი, რომ საქართველოში კომერციული ბანკები მომგებიანობით პირველ ადგილზე არიან ევროპასა და აზიაში, განპირობებულია როგორც არასაპროცენტო, ასევე საპროცენტო შემოსავლებითაც.

„ტენდენცია არის ასეთი, რომ ძირითადად ბანკების მოგება არასაპროცენტო შემოსავლების ზრდის ხარჯზე იზრდება, როგორიცაა, ჯარიმები, სავალუტო ოპერაციები, სხვადასხვა საკომისიო გადასახადები. სესხის გაცემის ლიმიტები, რაც უნდა შევამციროთ, ეს ერთიან მონაცემებზე არ აისახება. საბანკო სფეროთი დაინტერესებული ინვესტორებისთვის სწორედ ეს არის მომხიბვლელი, რომ საქართველოში არის განუკითხავი საფინანსო სისტემა, რომელსაც მომკითხავი და რეგულატორი არ ჰყავს. შესაბამისად, ბანკები გადიან მოგებაზე. გარდა ამისა, ბანკებს შემოსავლების მიღებას ვერ დავუშლით. თუმცა უნდა არსებობდეს რეგულატორი“, - აცხადებს ბერძენაძე.

მისი თქმით, ეროვნული ბანკის მხრიდან ბაზრის კონტროლი აუცილებელია: „ეროვნულ ბანკს უხარია ის, რომ წარმატებული საბანკო სისტემა გვაქვს, მაგრამ რას ნიშნავს ეს? მარჟა არის ძალიან მაღალი და სოციალურად გაჭირვებულ მოსახლეობას აწევს, რაც წარმატება არმგონია. ბაზრის კონტროლი ეროვნული ბანკის საქმეა. წარმატებული საბანკო სისტემა ნიშნავს ისეთ სისტემას, სადაც მოქალაქე არის დაცული და ბანკი ლოგიკურ შემოსავალს იღებს. დღეს ბანკები არალოგიკურ შემოსავალს იღებენ. წარმატებული საბანკო სისტემა იქნება მაშინ, როდესაც მოსახლეობის საშუალო ფენისთვის საბანკო კრედიტი და მისი შემდგომი ჯარიმები წნეხი აღარ იქნება, — განაცხადა ბერძენაძემ.

რაც შეეხება სესხის მომსახურების საკითხს, ირაკლი ბერძენაძის თქმით, ეროვნული ბანკის მხრიდან მსესხებლის ასაკობრივი ზღვარიც უნდა დაწესდეს.

„წარმოუდგენელია დღეს ბანკმა გასცეს სესხი პირზე, რომლის საკრედიტო ვალდებულებების 60% მიდის სესხებში. ბანკი ასეთ რისკში თავიდანვე არ შედის. რეგულატორის მხრიდან გასაკეთებელია ის, რომ მსესხებლის ასაკი შეიზღუდოს. არ შეიძლება სესხი 21 წლის ან ნაკლების ასაკის ადამიანს მისცეს ბანკმა. ასევე, მკაცრად უნდა გაკონტროლდეს შემოსავლები. კომერციულმა ბანკებმა კი რისკების მხარე უნდა გააძლიერონ“, - აღნიშნავს ირაკლი ბერძენაძე.

საკვანძო სიტყვები:

ქვეყანაში შემოსული ფულადი გზავნილების ნაკადების მოცულობამ 131.3 მლნ აშშ დოლარი შეადგინა

15 ოქტომბერი, 2018 , 17:00

საქართველოს ეროვნული ბანკი ქვეყანაში ფულადი გზავნილების შესახებ ინფორმაციას აქვეყნებს: 2018 წლის სექტემბერში ქვეყანაში შემოსული ფულადი გზავნილების ნაკადების მოცულობამ 131.3 მლნ აშშ დოლარი, (342.7 მლნ ლარი) შეადგინა, რაც

საქართველოს ეროვნულ ბანკსა და ჩინეთის საბანკო და დაზღვევის რეგულირების კომისიას შორის ურთიერთთანამშრომლობის მემორანდუმი გაფორმდა

15 ოქტომბერი, 2018 , 17:00

საბანკო ზედამხედველობის თანამშმრომლობის ფარგლებში, დღეს საქართველოს ეროვნულ ბანკს ჩინეთის საბანკო და დაზღვევის რეგულირების კომისიის დელეგაცია ესტუმრა. ვიზიტის ფარგლებში საქართველოს ეროვნულ ბანკსა და ჩინეთის საბანკო და და

თუ თურქეთში ვითარება უფრო მეტად არ გამწვავდა, ვფიქრობთ, საქართველოს ეკონომიკაზე თურქეთში არსებულ მდგომარეობას მნიშვნელოვანი გავლენა არ ექნება - კობა გვენეტაძე

15 ოქტომბერი, 2018 , 15:00

საქართველოს ეროვნული ბანკის პრეზიდენტმა კობა გვენეტაძემ ფინანსურ გამოცემა Global Finance-თან ინტერვიუში განაცხადა, რომ თუ თურქეთში ვითარება მეტად არ გამწვავდება, საქართველოს ეკონომიკაზე თურქეთში არსებულ მდგომარეობას მნიშ

კობა გვენეტაძეს Global Finance-ის 2018 წლის საუკეთესო ცენტრალური ბანკირის ჯილდო გადაეცა

15 ოქტომბერი, 2018 , 13:35

ინდონეზიაში, ეროვნული ბანკის პრეზიდენტმა საერთაშორისო სავალუტო ფონდისა და მსოფლიო ბანკის მმართველთა წლიურ შეხვედრებში მიიღო მონაწილეობა საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, რომელთ

სებ-მა შპს `მიკროსაფინანსო ორგანიზაცია ბონაკო`-ს მიკროსაფინანსო ორგანიზაციის რეგისტრაცია გაუუქმა და მისი ლიკვიდაციის პროცესი დაიწყო

13 ოქტომბერი, 2018 , 10:45

საქართველოს ეროვნული ბანკის ვიცე-პრეზიდენტის განკარგულებით, შპს "მიკროსაფინანსო ორგანიზაცია ბონაკო" - ს მიკროსაფინანსო ორგანიზაციის რეგისტრაცია გაუუქმდა და ლიკვიდაციის რეჟიმში გადავიდა. საქართველოს ეროვნული ბანკის ინფორმ

საქართველოს ბანკის შვილობილმა კომპანიამ, Galt&Taggart-მა ლონდონის საფონდო ბირჟაზე საქართველოში ინვესტიციების მოზიდვის მიზნით კონფერენცია - “საქართველოს ინვესტორთა დღე” გამართა

13 ოქტომბერი, 2018 , 10:45

საქართველოს ბანკის შვილობილმა კომპანიამ, Galt&Taggart-მა დიდ ბრიტანეთში, ლონდონის საფონდო ბირჟაზე, კონფერენცია - ‘”საქართველოს ინვესტორთა დღე” გამართა. ღონისძიების მიზანი იყო ინვესტორებისთვის უკეთ გ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`