სამართალი

საქართველოს მოქალაქე სარფის სასაზღვრო პუნქტის მეშვეობით ჩემოდნით ქალის გადაყვანისას დააკავეს

საქართველოს მოქალაქე სარფის სასაზღვრო პუნქტის მეშვეობით ჩემოდნით 27 წლის ქალის გადმოყვანას ცდილობდა, რა დროსაც ის დააკავეს.

ინფორმაციას საზოგადოებრივი მაუწყებელი თურქული მედიაზე დაყრდნობით ავრცელებს.

მედიის ცნობით, საპასპორტო კონტროლის დროს, 46 წლის მამაკაცი (დ.ს.) საზღვარზე დიდი ჩემოდნით გადაადგილდებოდა. მოგვიანებით, თურქულმა პოლიციამ ჩემოდანში 27 წლის რუსეთის მოქალაქე აღმოაჩინა.

თურქული მედიის ინფორმაციით, მიმდინარე წლის მაისში ანტალიის რეგიონში მომხდარი ავტოსაგზაო შემთხვევის დროს, ავტომობილს სწორედ აღნიშნული რუსი ქალი მართავდა. ძიების დასრულებამდე კი, საზღვარზე დაკავებულ ქალს თურქეთის ტერიტორიის დატოვება ეკრძალებოდა.