უკან

უახლესი ამბები

დღის კალენდარი

ანონსები

არქივი

პოლიტიკა

1 აგვისტო, 2017 14:00
font-size

საქართველოს მოსახლეობამ კარგად დაინახა, თუ ვინაა მისი პარტნიორი - ბათუ ქუთელია

საქართველოს ატლანტიკური საბჭოს ვიცე-პრეზიდენტმა ბათუ ქუთელიამ აშშ-ის ვიცე-პრეზიდენტის, მაიკ პენსის ვიზიტის მნიშვნელობაზე ისაუბრა. მისი შეფასებით, ის პრობლემები, რომლის წინაშე საქართველო დგას, თანხვედრაშია მსოფლიო დემოკრატიული სამყაროს გამოწვევებთან, რაც საქართველოს მნიშვნელობას ზრდის.

„ამ ვიზიტის გეოპოლიტიკურ კონტექსტს თუ შევხედავთ, დღესდღეობით ხდება ახალი მსოფლიო გლობალური უსაფრთხოების ჩამოყალიბება. ამ უსაფრთხოებაში გამყოფი საზღვარი გადის თავისუფალ დემოკრატიულ სამყაროსა და არათავისუფალ სამყაროს შორის და საქართველოს სახელმწიფოების მთავარი მტერი - რუსეთი მოხვდა ისეთი ქვეყნების რიგში, როგორიცაა ჩრდილოეთი კორეა და ირანი, რომლებიც ემუქრებიან სწორედ ასეთი ტიპის ფასეულობებს, რომლებზეც გადავწყვიტეთ ჩვენი სახელმწიფოს აშენება - დემოკრატია, სიტყვის თავისუფელბა, ადამიანის უფლებები და ა.შ.. შესაბამისად, ეს კონტექსტი აძლევს საქართველოს შესაძლებლობას, ამ ვიზიტის ფარგლებში ჩვენი პრობლემები აბსოლუტურ თანხვედრაში მოვახვედროთ ცივილიზებული მსოფლიოს წინაშე არსებულ გამოწვევებთან.

სამხედრო წვრთნებთან თანხვედრაც ძალიან მნიშვნელოვანია, რადგან წარმოუდგენელია, ქვეყანამ ააშენოს დემოკრატია ან მიაღწიოს ეკონომიკურ განვითარებას უსაფრთხოების უზრუნველყოფის გარეშე და უსაფრთხოება არის დღეს მთავარი პრობლემა, რომლის მეშვეობით რუსეთი ცდილობს, გავლენა მოახდინოს საქართველოს სუვერენულ არჩევანზე.

ეს ყველაფერი ერთობლიობაში ქმნის ძალიან კარგ გზავნილს როგორც საქართველოს მოსახლეობისთვის, ასევე მთლიანად სამოქალაქო საზოგადოებისთვის, საქართველოს პოლიტიკოსებისთვის იმასთან დაკავშირებით, რომ არის საკითხები, რომლებსაც ზეპარტიული მნიშვნელობა აქვს - ესაა სახელმწიფოებრიობა, სახელმწიფო ინსტიტუტების მშენებლობა“, - განაცხადა ქუთელიამ „კურიერთან“ ინტერვიუში.

ქუთელიას განცხადებით, ქართულ-ამერიკულმა სამხედრო წვრთნებმა „ღირსეული პარტნიორი-2017“ დაანახა მოსახელობას, თუ ვინაა საქართველოს ნამდვილი პარტნიორი.

„საზოგადოებამ კარგად დაინახა, თუ ვინაა ჩვენი პარტნიორი და რა ვალდებულებებს იღებს ის თავის თავზე, რომ ჩვენი უსაფრთხოება დაიცვას. ასევე ის, რომ საქართველო მნიშვნელოვანია ამერიკისთვისა და ამერიკის ინტერესებისთვის და ამ შემთხვევაში გვაქვს სრული თანხვედრა“, - თქვა ქუთელიამ.

ქუთელიას თქმით, ერთობლივი წვრთნები ძლიერ წინააღმდეგობას უწევს რუსულ საინფორმაციო ომს. მისი განმარტებით, „ღირსეული პარტნიორი-2017“-ის ჩატარება უმტკიცებს როგორც ოკუპანტ სახელმწიფოს, ასევე ოკუპირებულ ტერიტორიაზე მცხოვრებ მოსახლეობას, რომ აშშ დეკლარირებული პარტნიორობის გარდა თავის მოკავშირე ქვეყნებს ეხმარება ტერიტორიული მთლიანობის მშვიდობიანად მოგვარების კუთხით.

გარდა ამისა, საქართველოს ატლანტიკური საბჭოს ვიცე-პრეზიდენტი გამოეხმაურა აშშ-ის სენატის ორივე პალატის მიერ მიღებულ დოკუმენტს, რომელიც რუსეთს სანქციებს უმკაცრებს. ქუთელიას თქმით, ეს საკანონმდებლო აქტი აშშ-ის შორს მხედველური პოლიტიკის ნაწილი გახდება რუსეთის მიმართ, რაც დაეხმარება საქართველოს, ტერიტორიული პრობლემები მოაგვაროს.

„ეს საკანონმდებლო აქტი, მას შემდეგ, რაც ძალაში შევა, იქნება აშშ-ის დიდხნიანი პოლიტიკის ნაწილი, მიუხედავად ადმინისტრაციების ცვლილებისა, და ჩემი აზრით, ესაა მნიშვნელოვანი წინაპირობა და გარანტია იმისა, რომ საქართველო აღადგენს ტერიტორიულ მთლიანობას მშვიდობიანად და ამაში დაეხმარება აშშ და მისი მოკავშირეები“, - განაცხადა ქუთელიამ.

ანა მებურიშვილი

პრეზიდენტმა ტოივო კლაართან ვაქცინის მოწოდებისა და კოვიდსოლიდარობის საკითხზე ევროკავშირის მხარდაჭერის მნიშვნელობაზე ისაუბრა

26 იანვარი, 2021 , 17:52

საქართველოს პრეზიდენტი სალომე ზურაბიშვილი ჟენევის საერთაშორისო მოლაპარაკებების თანათავმჯდომარეს, სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს, ტოივო კლაარს შეხვდა. პრეზიდენ

ეროვნული უსაფრთხოების საბჭოს აპარატის უფროსმა თურქეთის ელჩთან შეხვედრა გამართა

26 იანვარი, 2021 , 17:13

ეროვნული უსაფრთხოების საბჭოს აპარატის უფროსმა, კახაბერ ქემოკლიძემ, საქართველოში თურქეთის რესპუბლიკის საგანგებო და სრულუფლებიან ელჩთან, ფატმა ჯერენ იაზგანთან გაცნობითი შეხვედრა გამართა. ამის შესახებ ინფორმაციას ეროვნული უ

ევროსაბჭოს სესიაზე საქართველოში საპარლამენტო არჩევნებთან დაკავშირებით უარყოფით შეფასებებს უფრო მეტს ველოდი, ვიდრე ეს გამოითქვა - ფრიდონ ინჯია

26 იანვარი, 2021 , 17:07

საქართვლოს პარლამენტის წევრი, პოლიტიკური პარტია „ევროპელი სოციალისტების“ ლიდერი ფრიდონ ინჯია სტრასბურგში ევროსაბჭოს საპარლამენტო ასამბლეის სესიის მუშაობას აფასებს. ფრიდონ ინჯია ევროპის საბჭოს საპარლამენტო ასა

“კრიზისიდან ერთადერთი გამოსავალი ვადამდელი, დემოკრატიული არჩევნების ჩატარებაა” - ცხრა ოპოზიციური პარტია ერთობლიც განცხადებას ავრცელებს

26 იანვარი, 2021 , 16:52

ცხრა ოპოზიციური პარტია ერთობლიც განცხადებას ავრცელებს, სადაც მიმართავენ ქართულ ოცნებას, დროულად დაუბრუნდეს მოლაპარაკებების მაგიდას. ისინი კვლავ მოუწოდებენ მმართველ პარტიას ვადამდელი საპარლამენტო არჩევნების ჩატარებისკენ.

ირაკლი ღარიბაშვილი კელი დეგნანს შეხვდა

25 იანვარი, 2021 , 17:05

საქართველოს თავდაცვის მინისტრმა, ირაკლი ღარიბაშვილმა საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს უმასპინძლა. თავდაცვის სამინისტროს პრესსამსახურის ინფორმაციით, შეხვედრაზე მხარეებ

გიორგი გახარიამ ტოივო კლაართან შეხვედრაზე რეგიონში ბოლო პერიოდში არსებულ უსაფრთხოების გარემოსა და ოკუპირებულ ტერიტორიებთან დაკავშირებულ გამოწვევებზე ისაუბრა

25 იანვარი, 2021 , 17:05

საქართველოს პრემიერ-მინისტრმა გიორგი გახარიამ, ჟენევის საერთაშორისო მოლაპარაკებების თანათავმჯდომარესთან, სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელ ტოივო კლაართან შეხვედრა