უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
საქართველოს მთავრობა ადამიანის უფლებათა ევროპულ სასამართლოში საქართველოდან ასარჩევი მოსამართლეობის ორ ახალ კანდიდატურას 31 აგვისტომდე წარადგენს
საქართველოს მთავრობა, ევროპის საბჭოს საპარლამენტო ასამბლეას, ადამიანის უფლებათა ევროპულ სასამართლოში საქართველოდან ასარჩევი მოსამართლეობის ორ ახალ კანდიდატურას 31 აგვისტომდე წარუდგენს.
მთავრობის შესაბამისი დადგენულების თანახმად, ასევე დამტკიცდა კანდიდატურების შერჩევის წესი.
ადამიანის უფლებათა ევროპულ სასამართლოში საქართველოდან ასარჩევი მოსამართლეობის კანდიდატები 35-დან 65 წლამდე ასაკის საქართველოს ქმედუნარიანი მოქალაქეები უნდა იყვნენ. როგორც მთავრობის მიერ დამტკიცებულ შერჩევის წესშია მითითებული, კანდიდატს მოეთხოვება
ა) სრულყოფილად ფლობდეს სახელმწიფო ენას;
ბ) კარგად ფლობდეს ევროპის საბჭოს ერთ-ერთ ოფიციალურ ენას (ინგლისური ან ფრანგული; ცოდნის მინიმუმ B1 დონე ევროპული სტანდარტით);
გ) სრულყოფილად ფლობდეს ადამიანის უფლებათა ევროპულ კონვენციას, შესაბამის პრეცედენტულ სამართალს და ჰქონდეს ამ სფეროში მუშაობის გამოცდილება;
დ) სრულყოფილად ფლობდეს საერთაშორისო საჯარო სამართლის პრინციპებსა და საქართველოს კანონმდებლობას;
ე) აკმაყოფილებდეს მაღალი სამოსამართლო თანამდებობის დასაკავებლად საქართველოს კანონმდებლობით დადგენილ მოთხოვნებს ან იყოს აღიარებული კომპეტენტურობის მქონე სამართალმცოდნე;
ვ) ჰქონდეს პროფესიით მუშაობის არანაკლებ ხუთწლიანი გამოცდილება;
ზ) ჰქონდეს მაღალი მორალური და პროფესიული რეპუტაცია.
ევროპის საბჭოს მეორე ოფიციალური ენის ფლობა მოცემული კანდიდატის უპირატესობად ჩაითვლება.
მოსამართლეობის კანდიდატების შერჩევის პროცედურას სპეციალურად შექმნილი სამთავრობო კომისია ჩაატარებს და მთავრობას 5 კანდიდატს წარუდგენს. ევროპის საბჭოს საპარლამენტო ასამბლეისათვის წარსადგენად, მთავრობა შეარჩევს 5-დან 2 კანდიდატს,რომელთაგან ერთი უნდა იყოს განსხვავებული სქესის, ან ორივე უნდა იყოს ქალი.
თუ მთავრობა არ მოიწონებს არცერთ კანდიდატს, კომისია შერჩევის პროცესს ხელახლა დაიწყებს,პროცედურა განმეორებით იწყება 1 კანდიდატის მოწონების შემთხვევაშიც,მეორის გამოვლენამდე.
დადგენილებაში, რომელიც საკანონმდებლო მაცნეში უკვე გამოქვეყნდა, მითითებულია, რომ საქართველოს მთავრობა, ადამიანის უფლებათა ევროპულ სასამართლოში ასარჩევი მოსამართლის ორ ახალ კანდიდატურას, ევროპის საბჭოს საპარლამენტო ასამბლეას წარუდგენს არა უგვიანეს 2017 წლის 31 აგვისტოსა.