უკან

უახლესი ამბები

დღის კალენდარი

ანონსები

არქივი

საზოგადოება

27 დეკემბერი, 2016 14:30
font-size

საქართველოს პრეზიდენტის ადმინისტრაციასა და `კრეატივ ბიზნეს კაპ ჯორჯიას` შორის ურთიერთთანამშრომლობის მემორანდუმს მოეწერა ხელი

ურთიერთთანამშრომლობის მემორანდუმს დღეს საქართველოს პრეზიდენტის ადმინისტრაციის უფროსმა გიორგი აბაშიშვილმა და ა(ა)იპ "კრეატივ ბიზნეს კაპ ჯორჯიას" (სი-ბი-სი) აღმასრულებელმა დირექტორმა გელა ენდრიუ სულმა მოაწერეს ხელი.

მემორანდუმის მიზანი „სი-ბი-სი“-სა და ადმინისტრაციას შორის თანამშრომლობის გაღრმავება და „სი-ბი-სი“-ს მიერ განსაზღვრული ღონისძიებებით საქართველოში ახალი ბიზნესიდეების, კრეატიული სტარტაპებისა და საინვესტიციო გარემოს გაუმჯობესების მხარდაჭერაა.

მემორანდუმის მიხედვით, „სი-ბი-სი“ მზადყოფნას გამოთქვამს განახორციელოს მრავალმხრივი ეფექტიანი საკომუნიკაციო სისტემის შექმნა; მოახდინოს ბიზნესსექტორისა და მოსახლეობის დაინტერესებული წარმომადგენლების ინფორმირება საქართველოში კრეატიული ბიზნესიდეების წარმატებულ ბიზნესპროექტებად გადაქცევის შესაძლებლობებზე.

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, საქართველოს პრეზიდენტის ადმინისტრაცია მაქსიმალურად მხარს უჭერს CBC GEORGIA -ს ამ ინიციატივების განხორციელებაში და შემდგომ რეალიზებაში, რადგან ამ კომპანიამ ყველას გვაჩვენა, რომ შეუძლია კონკრეტული კრეატიული იდეები მიიყვანოს შედეგებამდე.

“ხშირად, ერთი შეხედვით მცირე, უცნაური, სინამდვილეში კი, კრეატიული იდეა დასაწყისია ძალიან მნიშვნელოვანი და ძალიან სერიოზული ბიზნესპროექტის და ძალიან სერიოზული ახალი ინიციატივების. შესაბამისად, გვინდა, რომ ამ პროცესში ვიყოთ მაქსიმალურად ჩართულები და ხელი შევუწყოთ მას”, - განაცხადა გიორგი აბაშიშვილმა.

როგორც მემორანდუმის ხელმოწერის ცერემონიაზე "კრეატივ ბიზნეს კაპ ჯორჯიას" აღმასრულებელმა დირექტორმა გელა ენდრიუ სულმა განაცხადა, პროექტის ფარგლებში კომპანია ხელს შეუწყობს საქართველოს რეგიონებში იმ იდეების გაღვივებას და აღმოჩენას, რომელიც შეიძლება პოტენციურ, საინტერესო ბიზნესებად ჩამოყალიბდეს. ეს ძალიან მნიშვნელოვანია იმისთვის, რომ მარტო თბილისში არ იყოს კონცენტრირებული ყველაფერი.

„პროექტის მეორე ელემენტი საქართველოში არსებული კრეატიული იდეების საერთაშორისო დონეზე გასვლაა. ამისთვის, ამ შემოდგომაზე, კრეატიული ინდუსტრიების საერთაშორისო ფორუმის ჩატარებას ვაპირებთ, სადაც ქართულ კრეატიულ კომპანიებს, ქართულ სტარტაპებს ექნებათ შესაძლებლობა უცხოელი ინვესტორების და ძალიან ცნობილი, საინვესტიციო ფონდების წარმომადგენლებთან ერთად თავისი იდეები შესთავაზონ საქართველოში პოტენციური ინვესტიციებისათვის“, - განაცხადა გელა ენდრიუ სულმა.

მემორანდუმის ხელმოწერას პრეზიდენტის მიერ ინიცირებული ერთერთი პროექტის მონაწილე ახალგაზრდები ესწრებოდნენ.

„ამით კიდევ ერთხელ გვინდა იმის ხაზგასმა, რომ პრეზიდენტი არ წყვეტს ახალგაზრდული იდეების მხარდაჭერას. მითუმეტეს მაშინ, როდესაც გიორგი მარგველაშვილმა 2017 წელი განათლების წლად გამოაცხადა. განსაკუთრებით მნიშვნელოვანია, რომ ყველა ასეთი ტიპის ინიციატივა ჩვენი მხრიდან მხარდაჭერილი იყოს. ვფიქრობ, რომ ეს მემორანდუმიც ნაწილია ამ ფართო იდეის.

დიდი იმედი გვაქვს, რომ 2017 წელს არაერთი საინტერესო, ახალი, კრეატიული იდეის, ერთი მხრივ, აღმოჩენა და მეორე მხრივ, მისი მხარდაჭერა და კონკრეტულ გეგმად გადაქცევა მოხდება”, - განაცხადა გიორგი აბაშიშვილმა.

ერთჯერადი 300 ლარიანი კომპენსაციის მისაღებად ელექტრონული განაცხადების მიღება ხვალიდან იწყება

2 დეკემბერი, 2020 , 19:50

300-ლარიანი კომპენსაციის მისაღებად ელექტრონული განაცხადების მიღება ხვალიდან იწყება, - ინფორმციას შემოსავლების სამსახური ავრცელებს და მოუწოდებს თითოეულ მოქალაქესა და კომპანიას, პასუხისმგებლობით მოეკიდოს მთავრობის მიერ წარ

1 აშშ დოლარის ოფიციალური ღირებულება 3.3189 ლარი გახდა

2 დეკემბერი, 2020 , 17:44

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.3189 ლარი შეადგინა. კურსი, რომელიც დღეს მოქმედებდა, 3.3185 ლარი იყო. შესაბამისად, დოლარის ცვლილებამ ეროვნულ

საქართველოს ბანკის მხარდაჭერით ერთ-ერთი ყველაზე მასშტაბური ტექნოლოგიური ღონისძიება Startup Grind-ი ონლაინ რეჟიმში გაიმართება

2 დეკემბერი, 2020 , 17:17

საქართველოს ბანკის მხარადჭერით  მსოფლიოში ერთ-ერთი ყველაზე მასშტაბური ტექნოლოგიური ღონისძიება Startup Grind ონლაინ გაიმართება.  Startup Grind მსოფლიოში ყველაზე დიდი, 3,5 მილიონი წევრისგან შემდგარი კომუნაა, რომე

რა შემთხვევაშია საჭირო კორონავირუსზე ანტიგენის სწრაფი ტესტის პასუხის გადამოწმება

2 დეკემბერი, 2020 , 15:54

ორი თვის განმავლობაში, რაც მთავრობის მიერ შეზღუდვების გეგმაა შემუშავებული, მაქსიმალურად გაფართოვდება ინფექციის ადრეული გამოვლენა და იდენტიფიცირება ანტიგენზე დამყარებული სწრაფი ტესტებით, – ამის შესახებ დაავადებათა კ

კომუნიკაციების კომისიამ 5G ინტერნეტის დანერგვასთან დაკავშირებით საკონსულტაციო დოკუმენტი გამოაქვეყნა

2 დეკემბერი, 2020 , 15:37

5G მომსახურებისთვის სიხშირული რესურსის გასაცემად აუქციონის ჩასატარებლად კომუნიკაციების კომისია საკონსულტაციო დოკუმენტს აქვეყნებს. კომუნიკაციების კომისიის ინფორმაციით, 5G ტექნოლოგიას უმნიშვნელოვანესი როლი ენიჭება ისეთი სფ

გრიპის ვაქცინა არის ყველგან და ყველას შეუძლია აიცრას - ამირან გამყრელიძე

2 დეკემბერი, 2020 , 15:28

დაავადებათა კონტროლის ეროვნული ცენტრის ხელმძღვანელის ამირან გამყრელიძის განმარტებით, სახელმწიფომ სულ შეისყიდა გრიპის საწინააღმდეგო ვაქცინის 235 000 დოზა, საიდანაც დახარჯულია 160 000 დოზა, მათ შორის 10 000 გადაეცა ოკუპირე