უკან

უახლესი ამბები

დღის კალენდარი

ანონსები

არქივი

საზოგადოება

21 აპრილი, 2017 14:55
font-size

საქართველოს პროკურატურა აგრძელებს კამპანიას - „არ დაარღვიო საგზაო მოძრაობის წესები“

საქართველოს პროკურატურა პროექტ „საზოგადოებრივი პროკურატურის“ ფარგლებში აგრძელებს კამპანიას - „არ დაარღვიო საგზაო მოძრაობის წესები“. კამპანიის ფარგლებში საქართველოს სხვადასხვა რაიონის პროკურატურების წარმომადგენლებმა ადგილობრივი მოსახლეობისთვის და სკოლის მოსწავლეებითვის სატრანსპორტო დანაშაულებისა და ავტოსაგზაო დარღვევების პრევენციის მიზნით სხვადასხვა სახის ღონისძიებები გამართეს.

მცხეთის რაიონული პროკურატურის ორგანიზებით ქალაქ მცხეთის N1 და N2 საჯარო სკოლის უფროსი კლასის მოსწავლეებისთვის ავტოსატრანსპორტო დანაშაულებზე და საგზაო მოძრაობის წესების დარღვევებზე პრეზენტაცია გაიმართა. ღონისძიების მსვლელობისას იმიტირებული ავტოსაგზაო შემთხვევის ჩვენება მოეწყო, სადაც წარმოდგენილი იყო ქვეითად მოსიარულე მოქალაქის მიერ წითელ შუქნიშანზე, აკრძალულ ადგილზე გზის სავალი ნაწილის გადაკვეთა, რა დროსაც მომხდარი ავტოსაგზაო შემთხვევის დროს ტრამვა მიიღო. შედარებისთვის ასევე ნაჩვენები იყო როგორ გადადის მოქალაქე უსაფრთხოდ ზებრა გადასასვლელზე და მწვანე შუქნიშანზე.

კამპანია - „არ დაარღვიო საგზაო მოძრაობის წესების“ ფარგლებში მცხეთის საჯარო სკოლების დაახლოებით 150-მდე მოსწავლემ ქ. მცხეთის რაიონის ცენტრში, ტროტუარებზე ცოცხალი ჯაჭვი გააკეთეს, გაშალეს ბანერები წარწერით - „დაიცავით მოძრაობის წესები“ „ნუ გახდები მსხვერპლი“ და სხვადასხვა ამკრძალავი ნიშნებით მოსახლეობას საგზაო უსაფრთხოების წესების დაცვისკენ მოუწოდეს.

ავტოსაგზაო შემთხვევების თემაზე გორის უნივერსიტეტის სტუდენტებთან და მასწავლებლებთან გორის რაიონული პროკურატურის წარმომადგენლებმა საინფორმაციო შინაარსის შეხვედრა გამართეს და ავტოსაგზაო შემთხვევების დროს ადმინისტრაციულ სამართალდარღვევებსა და სისხლისსამართლებრივი პასუხისმგებლობის გამომწვევ მიზეზებსა და ქმედებებზე მიაწოდეს ინფორმაცია. განსაკუთრებული ყურადღება დაეთმო ავტომაგისტრალებზე მომხდარ ავტოსაგზაო შემთხვევებს და ნასვამი მძღოლების საკითხებს.

ზუგდიდის რაიონული პროკურატურის და ხელვაჩაურის რაიონული პროკურატურის წარმომადგენლები ავტოსკოლების მსმენელებს შეხვდნენ და საგზაო მოძრაობის უსაფრთხოებასთან დაკავშირებით პრეზენტაცია გამართეს. მართვის მოწმობის მიღების მსურველ ახალგაზრდებს პროკურატურის წარმომადგენლებმა იმ საფრთხეების მაღალი პასუხისმგებლობით გათავისებისკენ მოუწოდეს, რაც საგზაო მოძრაობის წესების დაუცველობას შეიძლება მოჰყვეს. შეხვედრებზე გაიმართა დისკუსიები ავტოსაგზაო დარღვევებსა და სატრანსპორტო დანაშაულებზე, მძღოლების პასუხისმგებლობაზე და საფრთხეებზე, მძღოლების თეორიულ და პრაქტიკულ უნარ-ჩვევებზე. ასევე რაიონების გათვალისწინებით მძღოლებისთვის მხედველობაში მისაღებ ფაქტორებზე.

საგზაო მოძრაობის უსაფრთხოებასთან დაკავშირებით ოზურგეთის რაიონული პროკურატურის წარმომადგენლებმა ქალაქ ოზურგეთის მოსახლეობასთან და საჯარო სკოლის მოსწავლეებთან შეხვედრა გამართეს. სატრანსპორტო დანაშაულების და ადმინისტრაციული გადაცდომების პრევენციის მიზნით შეხვედრის მონაწილეებს ავტოსაგზაო შემთხვევათა ამსახველი ვიდეორგოლები, ფოტომასალა უჩვენეს, საქართველოში ავტოსაგზაო შემთხვევების სტატისტიკური მონაცემები გააცნეს და ავტოსაგზაო შემთხვევების დროს ადმინისტრაციული სამართალდარღვევების და სისხლისსამართლებრივი წესით დასჯადი ქმედების შესახებ მიაწოდეს ინფორმაცია.

კამპანია - „არ დაარღვიო საგზაო მოძრაობის წესების“ ფარგლებში მესტიის რაიონული პროკურატურის წარმომადგენლებმა საჯარო სკოლის მოსწავლეებისთვის ავტოსაგზაო შემთხვევის იმიტირებული გამოძიება ჩაატარეს. მოსწავლეებისთვის ასევე გაიმართა პრეზენტაცია სატრანსპორტო დანაშაულებზე და საგზაო მოძრაობის წესების დარღვევებზე.

საქართველოს პროკურატურა კამპანიას - „არ დაარღვიო საგზაო მოძრაობის წესები“ პროექტ „საზოგადოებრივი პროკურატურის“ ფარგლებში ახორციელებს და მისი მიზანია მოსახლეობისთვის ავტოსაგზაო შემთხვევების გამომწვევ მიზეზებზე და ქმედებებზე ინფორმირება, სატრანსპორტო დანაშაულზე ცნობიერების ამაღლება და ავტოსაგზაო შემთხვევების პრევენცია.

„ვისოლ ჯგუფი“ „თბილისი მოლში“ „ვენდისა“ და „დანკინ დონატსის“ ამერიკულ რესტორნებს ხსნის

20 ივლისი, 2017 , 18:52

ხვალ, 21 ივლისს, 17:00 საათზე „ვისოლ ჯგუფი” „თბილისი მოლში“ „ვენდისა“ და „დანკინ დონატსის“ ამერიკულ რესტორნებს ხსნის. ახალგახსნილი რესტორნები „ვენდისთვის“ მე-9,

‘’MAN“-ის ავტობუსები N24 მარშრუტზე გავიდნენ

20 ივლისი, 2017 , 18:00

დღეიდან N24 მარშრუტსაც ‘’MAN“-ის მარკის ახალი ავტობუსები ემსახურებიან. N24 გლდანიდან დიღმის მასივის გავლით უნივერსიტეტის მაღლივ კორპუსამდე მოძრაობს. თბილისის მერიის ინფორმაციით, 21 ივლისს კი, ‘&rs

ექიმების რჩევით, პატრიარქი რამდენიმე დღით დასასვენებლად გაემგზავრება

20 ივლისი, 2017 , 14:20

საქართველოს კათოლიკოს-პატრიარქი, ილია მეორე ექიმების რჩევით, რამდენიმე დღით დასასვენებლად გაემგზავრება. როგორც საზოგადოებრივი მაუწყებელი პატრიარქის ექიმზე, ცისანა შარტავაზე დაყრდნობით იუწყება, ბოლო რამდენიმე კვირა ილია მ

საიამ პროექტ „Check in Georgia 2016“-ის უცნობი დეტალების შესახებ კვლევა გამოაქვეყნა

20 ივლისი, 2017 , 13:30

საქართველოს ახალგაზრდა იურისტთა ასოციაციამ კვლევის - „Check in Georgia 2016 - პროექტის უცნობი დეტალები“ პრეზენტაცია გამართა. პრეზენტაციაზე წარმოდგენილ დოკუმენტში დეტალურად არის განხილული 2

დღეიდან იუსტიციის სახლებში 9-კლასდამთავრებულები ატესტატს უფასოდ აიღებენ

20 ივლისი, 2017 , 13:30

დღეიდან 34 000-ზე მეტ ცხრაკლასდამთავრებულებს განათლების დამადასტურებელი ატესტატის მიღება უფასოდ შეეძლებათ. ატესტატის მისაღებად აბიტურიენტებმა იუსტიციის სახლის სერვისების განვითარების სააგენტოს ფილიალებსა და საზოგადოებრივ

თბილისში ქალაქის დანაგვიანებისთვის 20 აპრილიდან დღემდე 1343 ადამიანი დაჯარიმდა

20 ივლისი, 2017 , 12:10

თბილისში ქალაქის დანაგვიანებისთვის 20 აპრილიდან დღემდე 1343 ადამიანი დაჯარიმდა. ჯარიმის რაოდენობა 143 950 ლარს შეადგენს. ამის შესახებ ინფორმაციას "თბილსერვისი" ავრცელებს. "თბილსერვისის" ცნობით, 1 343 სამართალდამრღვე