უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
პოლიტიკა
საქართველოს პროკურატურაში შეტანილია 52 530 საჩივარი სამართლიანობის აღდგენის მოთხოვნით - შალვა თადუმაძე
მთავარი პროკურორობის კანდიდატის, შალვა თადუმაძის განცხადებით, სამართლიანობის აღდგენის მოთხოვნით საქართველოს პროკურატურაშუ შეტანილია 52 530 საჩივარი.
„საჯარო წყაროებით მოპოვებული ინფორმაციის საფუძველზე, დღეის მდგომარეობით, საქართველოს პროკურატურაში შეტანილია 52 530 საჩივარი სამართლიანობის აღდგენის მოთხოვნით. ალბათ, გესმით, ეს რა გამოწვევაა სახელმწიფოსთვის, როდესაც მოძალადე პროკურატურის პირობებში ჩვენ მივიღეთ 52 530 ადამიანი, რომელსაც განცდა აქვს, რომ ქვეყანაში უსამართლობა არსებობდა და განცდა აქვს სამართლიანობის აღდგენის“, - განაცხადა თადუმაძემ.
მან დაამატა, რომ პროკურატურაში ჩამოყალიბებული სტრუქტურა მეტ-ნაკლებად უზრუნველყოფს სამართლიანობის აღდგენას, თუმცა დაბალი ტემპით. მისი ვარაუდით, პროკურატურა სამართლიანობას აღადგენს 2030 წლის შემდეგ.
„სხვანაირად არც შეიძლება, რომ ტემპი იყოს იქიდან გამომდინარე, რომ არ არსებობს სახელმწიფო და ადამიანური რესურსი, რომელიც ერთ და ორ წელიწადში 52 530 საქმეზე საბოლოო გადაწყვეტილებას მიიღებს. სამწუხარო ტემპია და ცოტა არასერიოზული ტემპიც არის, გამომდინარე იქიდან, რომ ამ სტრუქტურული ერთეულის მიღწევა არის წელიწადში 50 საქმე. თუ ამ ანგარიშს მივყვებით, ჩვენ სამართლიანობას აღვადგენთ 2030 წლის შემდეგ, რაც არასერიოზულია სახელმწიფო ინსტიტუტისთვის, რომლის ფუნქცია სამართლიანობის აღდგენაა“, - აღნიშნა თადუმაძემ იურიდიულ საკითხთა საპარლამენტო კომიტეტის სხდომაზე.
მისი თქმით, აღნიშნული საქმეების განხილვის დასაჩქარებლად საჭიროა სისტემური მიდგომა, მათ შორის, საქმეების მოთხოვნების და შესაძლებლობების მიხედვით კლასიფიცირება.