უკან

უახლესი ამბები

დღის კალენდარი

ანონსები

არქივი

საზოგადოება

23 მაისი, 2017 12:55
font-size

საქართველოს პროკურატურის წარმომადგენლებმა სტაჟირების კონკურსთან დაკავშირებით თბილისში სტუდენტებთან შეხვედრები გამართეს

საქართველოს პროკურატურაში გამოცხადებულ სტაჟირების კონკურსთან დაკავშირებით პროკურატურის წარმომადგენლებმა თბილისის სხვადასხვა უმაღლეს სასწავლებელში საინფორმაციო შეხვედრები გამართეს. შეხვედრებზე სტუდენტები და დაინტერესებული პირები გაეცნენ პროკურატურის სტრუქტურას, საქმიანობის ძირითად მიმართულებებს, სტაჟიორთა კონკურსის ეტაპებს, პროკურატურაში დასაქმებისა და განვითარების შესაძლებლობებს.

საქართველოს მთავარი პროკურატურის ინფორმაციით, შეხვედრები თბილისის 9 უმაღლეს სასწავლებელში გაიმართა, რომელთა ფარგლებშიც პროკურატურის როლზე, ფუნქციებზე, პროკურორის პროფესიულ საქმიანობასა და სტაჟირების სისტემაზე, სტუდენტებს საქართველოს პროკურატურის სტრუქტურული დანაყოფებისა და ტერიტორიული ორგანოების მენეჯერები შოთა ტყეშელაშვილი, კოკა კაციტაძე, ნინო აღლემაშვილი და შოთა რიჟამაძე ესაუბრნენ. შეხვედრებში ასევე აქტიურად იყვნენ ჩართული საპროკურორო საბჭოს პროკურორი წევრები ნათია სონღულაშვილი, გიორგი გაბოძე, კონსტანტინე სირაძე და ანა კალანდაძე. ასევე, სტუდენტებს საკუთარი გამოცდილება გაუზიარეს საქართველოს პროკურატურაში ახლად დანიშნულმა პროკურორებმა და მოქმედმა სტაჟიორებმა ემზარ გაგნიძემ, თამარ ზაქუტაშვილმა, ლაშა ბიწაძემ და ირაკლი ქარდავამ.

საინფორმაციო შეხვედრებს ივ. ჯავახიშვილის სახელობის თბილისის სახელმწიფო უნივერსიტეტმა, ილიას სახელმწიფო უნივერსიტეტმა, საქართველოს ტექნიკურმა უნივერსიტეტმა, კავკასიის უნივერსიტეტმა, გრიგოლ რობაქიძის სახელობის უნივერსიტეტმა, საზოგადოებრივ საქმეთა ინსტიტუტმა (GIPA), ქართულ-ამერიკულმა უნივერსიტეტმა (GAU), აღმოსავლეთ ევროპის უნივერსიტეტმა და საქართველოს უნივერსიტეტმა უმასპინძლეს. ღონისძიებები სტუდენტების აქტიური ჩართულობით ინტერაქტიულ რეჟიმში წარიმართა. მონაწილეებმა დასვეს კითხვები და მიიღეს პასუხები მათთვის საინტერესო საკითხებზე.

საქართველოს პროკურატურისთვის პრიორიტეტულია კვალიფიციური, კომპეტენტური და მაღალი პროფესიული სტანდარტების მქონე კადრების მოზიდვა. საქართველოს პროკურატურამ სტაჟიორთა კონკურსი მიმდინარე წლის 15 მაისს გამოაცხადა და აპლიკაციების მიღება 6 დღეში დასრულდება. გამოცხადებული სტაჟირების კონკურსი არის საუკეთესო შესაძლებლობა როგორც უკვე კურსდამთავრებული და შესაბამისი პრაქტიკული გამოცდილების მქონე პირებისთვის, ასევე სამართლის სპეციალობის დამამთავრებელი კურსის სტუდენტებისთვის.

აღდგომის დღესასწაულთან დაკავშირებით პენიტენციურ დაწესებულებებში ამანათების მიღება იწყება

24 აპრილი, 2019 , 15:50

სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება აღდგომის დღესასწაულთან დაკავშირებით ბრალდებულების/ მსჯავრდებულებისთვის ამანათების მიღებას იწყებს. სპეციალური პენიტენციური სამსა

პროკურატურა ლევან ჯიბღაშვილისთვის აღკვეთის ღონისძიებად გირაოს მოთხოვნის შესახებ განმარტებას აკეთებს

24 აპრილი, 2019 , 15:50

როდესაც პირს წარდგენილი აქვს ბრალდება სსკ-ის 260-ე მუხლის პირველი, მეორე ან მესამე ნაწილით, არ არის ნასამართლევი, აღიარებს ჩადენილ დანაშაულს და სახეზე არ არის ნარკოტიკული საშუალების გასაღების მიზანი, პროკურატურა სასამართ

თსუ-ში ევროპის აკადემიის თბილისის რეგიონული კვლევითი ცენტრი გაიხსნა

24 აპრილი, 2019 , 15:10

საქართველოს განათლების, მეცნიერების, კულტურისა და სპორტის სამინისტროს მხარდაჭერით, ივანე ჯავახიშვილის სახელობის თბილისის სახელმწიფო უნივერსიტეტში ევროპის აკადემიის თბილისის რეგიონული ცენტრი გაიხსნა. როგორც „მედიანი

გარემოს ეროვნული სააგენტო ატმოსფერულ ჰაერში ტყვიის შემცველობის განსაზღვრას აგრძელებს

24 აპრილი, 2019 , 15:10

გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო ავტომატური სადგურების საშუალებით ატმოსფერული ჰაერის ხარისხის უწყვეტ მონიტორინგს აგრძელებს. თბილისში, ბათუმში, რუსთავსა და ქუთაისში ისაზღვრებ

წყნეთი-ბეთანიის დამაკავშირებელი გზა არ დაზიანებულა და გადაადგილება უსაფრთხოა - სამინისტრო

24 აპრილი, 2019 , 15:10

წყნეთი-ბეთანიის დამაკავშირებელ გზაზე გადაადგილება აბსოლუტურად უსაფრთხოა. რეგიონული განვითარებისა და ინფრასტრუქტურის სამინისტროს ცნობით, მუნიციპალური განვითარების ფონდის მიერ გავრცელებული ინფორმაცია, რომ აღნიშნული გზა სარ

ჩვენ ვამაყობთ ჩვენი ისტორიით, ვამაყობთ ჩვენი დიდი წარსულით, რომელიც დგას სწორედ განათლებაზე და კულტურაზე - მამუკა ბახტაძე

24 აპრილი, 2019 , 14:47

ჩვენ ვამაყობთ ჩვენი ისტორიით, ვამაყობთ ჩვენი დიდი წარსულით, რომელიც დგას სწორედ განათლებაზე და კულტურაზე, - ამის შესახებ საქართველოს პრემიერ-მინისტრმა მამუკა ბახტაძემ ივანე ჯავახიშვილის სახელობის თბილისის სახელმწიფო უნივ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019