უკან

უახლესი ამბები

დღის კალენდარი

ანონსები

არქივი

საზოგადოება

19 მაისი, 2017 15:20
font-size

,,საქართველოს რკინიგზამ’’ Lean Six Sigma მეთოდოლოგიის დანერგვის ფარგლებში საინჟინრო პერსონალს სერტიფიკატები გადასცა

,,საქართველოს რკინიგზამ’’ Lean Six Sigma მეთოდოლოგიის დანერგვის ფარგლებში პროექტების განმახორციელებელ საინჟინრო პერსონალს სერტიფიკატები გადასცა.

სერტიფიკატების გადაცემის საზეიმო ცერემონია თბილისში, სასტუმრო Holiday Inn-ში გაიმართა.

როგორც ჟურნალისტებს ,,საქართველოს რკინიგზის’’ სამეთვალყურეო საბჭოს თავმჯდომარემ კოკა გუნცაძემ განუცხადა, კომპანიაში Lean Six Sigma მეთოდოლოგიის დანერგვის მიზანი საუკეთესო საერთაშორისო პრაქტიკის გამოყენების გზით საწარმოო პროცესების გაუმჯობესებაა.

,,საქართველოს რკინიგზის’’ ინფორმაციით, Lean Six Sigma მეთოდოლოგია, რომლის ძირითადი არსია საწარმოო პროცესების შემდგომ, გამოსავალი პროდუქტის ხარისხის გაუმჯობესება, დეფექტების მინიმიზაცია და სტანდარტიდან გადახრების შემცირება, ასევე, ისეთი პროცესების შექმნა, სადაც უზრუნველყოფილი იქნება დანაკარგების მინიმიზაცია და ეკონომიკური ეფექტი.

,,რკინიგზას აქვს ახალი ხედვა, ახალი სტრატეგია. ეს მდგომარეობს გლობალურ სატრანსპორტო ლოგისტიკურ ქსელებში რკინიგზის ინტეგრაციაში. ეს გვავალდებულებს მოდერნიზაციას ყველა მიმართულებით, არამხოლოდ ინფრასტრუქტურის, არამედ უპირველეს ყოვლისა, კომპანიის მართვის სისტემის თვალსაზრისით. ,,ექვსი სიგმის’’ დანერგვა სწორედ ემსახურება მართვის სისტემის მოდერნიზაციას, ემსახურება საოპერაციო ხარჯების დაზოგვას, საოპერაციო დროის დაზოგვას, დეფექტების და საწარმოო ხარვეზების იდენტიფიკაციას საწარმოო პროცესში, რაც მთავარია ხარისხის მართვის მაღალი სტანდარტების დანერგვას.

მოდერნიზაცია ეს არის რკინიგზის სტრატეგიის შემადგენელი ნაწილი და ჩვენ ვივლით იმ გზით, რომ რკინიგზა გადაიქცეს თანამედროვე კომპანიად’’, - განუცხადა ჟურნალისტებს კოკა გუნცაძემ.

პროექტის ფარგლებში "საქართველოს რკინიგზაში" საერთაშორისო საკონსულტაციო კომპანიის მიერ თანამშრომლების სათანადოდ მომზადება მოხდა. მომზადების პროცესის ძირითადი შემადგენელი ნაწილი, თეორიულ ნაწილთან ერთად, კონკრეტული პრობლემების გადაჭრაზე მუშაობა იყო, რასაც პროექტების სახე მიეცა. ამჟამად კომპანიაში პროექტების იმპლემენტაცია მიმდინარეობს. როგორც "საქართველოს რკინიგზაში" აცხადებენ, ცალკეულმა მათგანმა უკვე მნიშვნელოვანი ეკონომიკური ეფექტი მოიტანა.

პროექტი წარმატებულად შეაფასა საერთაშორისო პროექტების ხელმძღვანელმა, მაქსიმ კორნეიუგმა.

,,დღეს ძალიან მნიშვნელოვანი დღეა. როგორც ვნახეთ, ჩვენ გვყავს 27 ადამიანი, რომლებმაც მიიღეს სერტიფიკატები. სწორედ ამ ადამიანებმა განახორციელეს ის ცვლილებები, რომლებიც მიიყვანს ბაზარზე კომპანია Georgian Railway-ის კონკურენტუნარიანობისა და მოგების გაზრდამდე.

მათ შეასრულეს შესანიშნავი სამუშაო და ეს პროექტები გაგრძელდება. ჩვენ როგორც კონსულტანტები ვასრულებთ მათთან მუშაობას და ისინი გააგრძელებენ პროექტების კეთებას და კომპანიაში სიტუაციის გაუმჯობესებას ყველა მიმართულებით’’, - განუცხადა ჟურნალისტებს მაქსიმ კორნეიუგმა.

,,საქართველოს რკინიგზის’’ ინფორმაციით, Lean Six Sigma მეთოდოლოგია პირველად კომპანია Motorola-მ შეიმუშავა და იმპლემენტაციის შედეგად სოლიდური ეფექტი მიიღო. შემდგომში ეს პროგრამა წარმატებით გააგრძელა კომპანია General Electric-მა. დღეს Lean Six Sigma მეთოდოლოგია ყველა ცნობილ კომპანიაშია დანერგილი.

სასკოლო კრებებზე დაუშვებელია კონკრეტული მოსწავლეების აკადემიური მოსწრებისა და ყოფაქცევის საჯარო განხილვა - სახელმწიფო ინსპექტორი

20 სექტემბერი, 2020 , 11:45

სახელმწიფო ინსპექტორის სამსახურში აცხადებენ, რომ ბავშვების პერსონალური მონაცემების დაცვა განსაკუთრებულ ყურადღებას საჭიროებს, რადგან ისინი ნაკლებად აცნობიერებენ რისკებს და შედეგებს, რაც შესაძლოა, მათი მონაცემების არაკანონ

„კანონში კომუნიკაციების შესახებ“ დაჩქარებულად მიღებული ცვლილებები დემოკრატიის განვითარებისთვის ცუდი ნიშანია - დანილ მიტოვი

20 სექტემბერი, 2020 , 11:23

საქართველოს პარლამენტის მიერ მიღებულ ცვლილებებს შორის „ელექტრონული კომუნიკაციების შესახებ“ კანონი ერთ-ერთი ყველაზე სკანდალური აღმოჩნდა. საქართველოს კომუნიკაციების კომისიის სახელი ფართო საერთაშორისო აუდიტორიის

საქართველოში კორონავირუსის ახალი შემთხვევებიდან 128 აჭარას, 30 კი თბილისს უკავშირდება

20 სექტემბერი, 2020 , 11:11

თბილისის ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, საქართველოში გამოვლენილი კორონავირუსის 196 ახალი შემთხვევიდან 128 აჭარას, 30 თბილისს, 19 კი ქუთაისს უკავშირდება. „დაგვემატა 196 ა

საქართველოში კორონავირუსის 196 ახალი შემთხვევა გამოვლინდა

20 სექტემბერი, 2020 , 10:34

საქართველოში კორონავირუსით ინფიცირების შემთხვევათა რაოდენობა 196 -ით გაიზარდა და 3502 გახდა. ამის შესახებ ინფორმაცია მთავრობის მიერ სპეციალურად შექმნილ ვებგვერდზე, stopcov.ge-ზეა განთავსებული. რაც შეეხება გამოჯანმრთ

ცესკომ 31 ოქტომბრის არჩევნებისთვის საარჩევნო სუბიექტების რიგითი ნომრები განსაზღვრა

19 სექტემბერი, 2020 , 17:54

ცენტრალურმა საარჩევნო კომისიამ (ცესკო) დღეს გამართულ სხდომაზე 31 ოქტომბრის საქართველოს პარლამენტის, მუნიციპალიტეტის მერების რიგგარეშე და საკრებულოების შუალედური არჩევნებისთვის საარჩევნო სუბიექტების რიგითი ნომრები განსაზღ

საქართველოში ყველაზე მძიმე პრობლემა სამუშაო ადგილებია და ამ პრობლემას ყველა ერთად უნდა გავუმკლავდეთ - გიორგი გახარია

19 სექტემბერი, 2020 , 17:21

საქართველოში ყველაზე მძიმე პრობლემა არის სამუშაო ადგილები და ამ პრობლემას, ყველა ერთად უნდა გავუმკლავდეთ და ყველამ ერთად უნდა გავიმარჯვოთ ამ პრობლემაზეც. ამიტომ, ყველას უნდა გვახსოვდეს, რომ დღეს, სახელმწიფო, თავის სოციალ

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.