უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
საქართველოს საერთაშორისო საარბიტრაჟო ცენტრის გამგეობამ თავმჯდომარე და წევრები აირჩია
საქართველოს სავაჭრო-სამრეწველო პალატასთან არსებული საერთაშორისო საარბიტრაჟო ცენტრის (GIAC) გამგეობას ახალი წევრები და თავმჯდომარე ჰყავს. როგორც „მედიანიუსს“ სავაჭრო-სამრეწველო პალატიდან აცნობეს, შესაბამისი გადაწყვეტილებები 2020 წლის პირველ სხდომაზე მიიღეს.
მათივე ინფორმაციით, გამგეობის წევრებმა თავმჯდომარედ საქართველოს სავაჭრო-სამრეწველო პალატის პრეზიდენტი გიორგი პერტაია აირჩიეს, ხოლო მის მოადგილედ გამგეობის ახლადარჩეული წევრი, ინვესტორთა საბჭოს მდივანი- გიორგი ჩერქეზიშვილი აირჩა.
ინვესტორთა საბჭოში დანიშვნამდე გიორგი ჩერქეზიშვილი კომპანია Invest Wings&Freeman Capital-ის მთავარ საინვესტიციო ოფიცრად მუშაობდა. 2017 წლის მარტიდან კი იყო საქართველოს ეკონომიკისა და მდგრადი განვითარების მინისტრის მოადგილე. სამინისტროში მუშაობის დაწყებამდე, ასევე მოღვაწეობდა სხვადასხვა თანამდებობებზე საპარტნიორო ფონდში, „საქართველოს ბანკსა“ და საქართველოს კონტროლის პალატაში.
ჩერქეზიშვილის გარდა, საქართველოს საერთაშორისო საარბიტრაჟო ცენტრის გამგეობას კიდევ ერთი წევრი, „ჰუალინგ დაზღვევის“ გენერალური დირექტორი კოტე სულამანიძე შეემატა. აღნიშნულ თანამდებობაზე დანიშვნამდე სულამანიძე საქართველოს დაზღვევის სახელმწიფო ზედამხედველობის სამსახურის უფროსად მუშაობდა. მას აქვს მრავალწლიანი გამოცდილება საბანკო სფეროში, სხვადასხვა წლებში მუშაობდა „ვითიბი ბანკში“, „ბანკ რესპუბლიკაში“ ,,ბაზის ბანკში“ და იყო „პროგრეს ბანკის“ გენერალური დირექტორი.
„მიგვაჩნია, რომ ახალი წევრები გააძლიერებენ ცენტრის საქმიანობას და ხელს შეუწყობენ მის შესახებ ცნობადობის გაზრდას. შეგახსენებთ, რომ გამგეობის ორ წევრს ბატონ ჯემალ ინაიშვილსა და ბატონ ზვიად კორძაძეს ამოეწურათ წევრობის მეორე ვადა, ცენტრის წესდება კი გამგეობის წევრის კიდევ ერთი ვადით გაგრძელებას არ ითვალისწინებს. გვინდა მადლობა გადავუხადოთ მათ საარბიტრაჟო ცენტრის განვითარებაში და ცნობადობის ამაღლებაში შეტანილი წვლილისთვის“, - განაცხადა საქართველოს საერთაშორისო საარბიტრაჟო ცენტრის გენერალურმა მდივანმა ბექა ინჯიამ.
საქართველოს საერთაშორისო საარბიტრაჟო ცენტრის გამგეობის სხდომაზე გენერალური მდივნის მიერ ასევე წარდგენილი იქნა საარბიტრაჟო ცენტრის 2019 წლის ანგარიში და 2020 წლის გეგმები.
შეგახსენებთ, დღეის მდგომარეობით გამგეობის წევრები არიან: გიორგი პერტაია, დავით საგანელიძე, გიორგი ჩერქეზიშვილი, ეფრემ ურუმაშვილი, კოტე სულამანიძე.