უკან

უახლესი ამბები

დღის კალენდარი

ანონსები

არქივი

ეკონომიკა

12 ივნისი, 2017 14:30
font-size

საქართველოს საერთაშორისო სავალუტო ფონდის დელეგაცია მმართველი დირექტორის მოადგილის ხელმძღვანელობით ეწვია

12 ივნისს, საქართველოს საერთაშორისო სავალუტო ფონდის (სსფ) დელეგაცია მმართველი დირექტორის მოადგილის ტაო ჟენგის ხელმძღვანელობით ეწვია. დელეგაციის წევრებმა შეხვედრა გამართეს საქართველოს ეკონომიკური გუნდის წარმომადგენლებთან.

საქართველოს ეროვნული ბანკის ინფორმაციით, შეხვედრაში მონაწილეობა მიიღეს საქართველოს ეროვნული ბანკის პრეზიდენტმა კობა გვენეტაძემ, საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა, სავალუტო ფონდის დელეგაციის, ეროვნული ბანკის, ფინანსთა, ეკონომიკისა და მდგრადი განვითარების სამინისტროს წარმომადგნელებმა.

დელეგაციის წევრებმა საქართველოს ეკონომიკურ გუნდთან შეხვედრაზე ქვეყნის მაკროეკონომიკურ მდგომარეობაზე ისაუბრეს, განიხილეს მიმდინარე და დაგეგმილი ეკონომიკური რეფორმები, ასევე იმსჯელეს ახალ პროგრამაზე, რომელიც საერთაშორისო სავალუტო ფონდის ფინანსური მხარდაჭერით მიმდინარეობს.

"ჩვენ გავმართეთ ძალიან მნიშვნელოვანი და საინტერესო დისკუსიები ეროვნული ბანკის პრეზიდენტთან, პირველ ვიცე-პრემიერ ფინანსთა მინისტრთან, მათ მოადგილეებთან და საქართველოს ეკონომიკისა და მდგრადი განვითარების მინისტრის მოადგილესთან. აღსანიშნავია ქვეყნის შთამბეჭდავი მიღწევები ეკონომიკური განვითარების კუთხით, ასევე ძალიან სწორი ეკონომიკური პოლიტიკა და უკვე განხორციელებული და მომავალში დაგეგმილი ეკონომიკური რეფორმები. როგორც იცით, საერთაშორისო სავალუტო ფონდმა საქართველოს ხელისუფლებასთან ერთად დაიწყო ახალი პროგრამის განხორციელება. განსაკუთრებით სასიამოვნოა, რომ საქართველოს მთავრობა პასუხისმგებლობით ეკიდება პროგრამით გათვალისწინებულ რეფორმებს. ჩვენ მოხარული ვართ გავაგრძელოთ მუშაობა საქართველოს ხელისუფლებასთან, რომ ვუზრუნველყოთ მომავალში პროგრამების წარმატება. ვუსურვებ წარმატებას ქვეყანას, ვუსურვებ წარმატებას საქართველოს მოსახლეობას", - განაცხადა საერთაშორისო სავალუტო ფონდის მმართველი დირექტორის მოადგილემ ტაო ჟენგმა.

"ვფიქრობ, მნიშვნელოვანი ვიზიტია, რადგანაც სსფ მმართველი დირექტორის მოადგილე ტაო ჟენგი შეძლებს გაეცნოს იმ ეკონომიკურ რეფორმებს, რომლებიც საქართველოში მიმდინარეობს. ვისაუბრეთ მაკროეკონომიკურ საკითხებზე, მონეტარულ პოლიტიკაზე, საბანკო ზედამხედველობაზე, მომხმარებელთა უფლებების დაცვაზე და ზოგადად, იმ პროგრამის მიმდინარეობაზე, რომლის განხორციელებასაც ხელს უწყობს საერთაშორისო სავალუტო ფონდი. ვფიქრობ, რომ ბატონი ტაო მნიშვნელოვან გზავნილს წაიღებს ვაშინგტონში იმის შესახებ, თუ როგორ ვითარდება საქართველოს ეკონომიკა და როგორ მუშაობს ეკონომიკური გუნდი", - განაცხადა საქართველოს ეროვნული ბანკის პრეზიდენტმა კობა გვენეტაძემ.

"ჩვენ დღეს ძალიან დეტალურად განვიხილეთ ქვეყანაში მიმდინარეპროცესები. მინდა აღვნიშნო, რომ პროგრამა რომელიც ჩვენ საერთაშორისოსავალუტო ფონდისგან მივიღეთ თავიდან ბოლომდე ეფუძნება ჩვენი ქვეყნისგანვითარების 4პუნქტიან გეგმას, იმ რეფორმებს რომელიც ჩვენ წინასაარჩევნოპერიოდში განვაცხადეთ და იმ დაპირებებს, რომელიც ჩვენ წინასაარჩევნოპერიოდში გვქონდა და რომლის იმპლემენტაცია საქართველოსგანვითარებისთვის არის ძალიან მნიშვნელოვანი. კვლავ დავადასტურებ, საერთაშორისო სავალუტო ფონდი თავიდან ბოლომდე მხარს უჭერს ჩვენს 4-პუნქტიანი რეფორმების გეგმას და მის განვითარებას", - განაცხადა საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა.

დღესვე, ივანე ჯავახიშვილი სახელობის თბილისის სახელმწიფო უნივერსიტეტში სადისკუსიო პანელი - „გლობალური ეკონომიკა და სავალუტო ფონდის როლი მსოფლიოში“ გაიმართება, რომელშიც მონაწილეობას მიიღებენ სავალუტო ფონდის მმართველი დირექტორის მოადგილე ტაო ჟენგი, საქართველოს ეროვნული ბანკის პრეზიდენტი კობა გვენეტაძე, საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი და თბილისის სახელმწიფო უნივერსიტეტის რექტორი გიორგი შარვაშიძე. შეხვედრას უნივერსიტეტის სტუდენტები და პროფესორ მასწავლებლები დაესწრებიან.

საქართველოდან ექსპორტი რუსეთში 28 პროცენტით, ევროკავშირის ქვეყნებში კი, 16 პროცენტით გაიზარდა

19 ივლისი, 2019 , 15:30

მიმდინარე წლის იანვარ-ივნისის მონაცემებით, საქართველოდან ექსპორტი რუსეთში 28 პროცენტით, ევროკავშირის ქვეყნებში 16 პროცენტით გაიზარდა. საქსტატის ცნობით, ყველაზე მეტი პროდუქცია საქართველოდან რუსულ ბაზარზე გავიდა. საუბარია

გერმანია საქართველოს ენერგეტიკის სექტორის რეფორმის განხორციელებაში დაეხმარება

18 ივლისი, 2019 , 16:00

ეკონომიკისა და მდგრადი განვითარების მინისტრის მოადგილემ, დავით თვალაბეიშვილმა და გერმანიის რეკონსტრუქციის საკრედიტო ბანკის (KfW) წარმომადგენელმა, ჰანს რიეკმა ხელი მოაწერეს საკონსულტაციო მომსახურების დაფინანსების შეთანხმე

ეროვნული ბანკის ანალიტიკური ანგარიშები

18 ივლისი, 2019 , 15:45

საქართველოს ეროვნული ბანკი, ანალიტიკური კომუნიკაციის გაუმჯობესების მიზნით, აქვეყნებს დეტალურად აღწერილი ფინანსური და მაკროეკონომიკური ინდიკატორების ტენდენციების შესახებ ანალიტიკურ ცხრილებსა და დიაგრამებს "საფინანსო სექტო

აზიის განვითარების ბანკმა ეროვნულ ვალუტაში ორი ახალი ფასიანი ქაღალდი გამოუშვა

18 ივლისი, 2019 , 15:45

ლარით დენომინირებული ფასიანი ქაღალდების გამოშვება სულ უფრო მიმზიდველი ხდება როგორც ქვეყანაში მოქმედი კომპანიებისთვის, ასევე საერთაშორისო საფინანსო ინსტიტუტებისთვისაც. საქართველოში ეროვნულ ვალუტაში ფასიანი ქაღალდის გამოშვ

აზიის განვითარების ბანკმა საქართველოს ბანკთან და გალტ ენდ თაგარტთან პარტნიორობით ლარის ობლიგაციების მასშტაბური განთავსება განახორციელა

17 ივლისი, 2019 , 10:15

საქართველოს ბანკის ჩართულობით და გალტ ენდ თაგარტთან პარტნიორობით აზიის განვითარების ბანკმა ლარის ობლიგაციების მასშტაბური განთავსება განახორციელა და 60 მილიონი ლარი მოიზიდა. საქართველოს ბანკი ობლიგაციების მასშტაბურ განთავ

მწვანე ეკონომიკისა და მცირე და საშუალო ბიზნესის ხელშეწყობა ქვეყნის მდგრად ინკლუზიურ განვითარებას უზრუნველყოფს - ეკატერინე მიქაბაძე

16 ივლისი, 2019 , 16:25

ეკონომიკისა და მდგრადი განვითარების მინისტრის მოადგილე ეკატერინე მიქაბაძის თავმჯდომარეობით სასტუმრო „ქორთიარდ მარიოტში“ გაიმართა სამუშაო შეხვედრა, რომელშიც მონაწილეობა მიიღეს სამთავრობო წრეების, კერძო სექტორი

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს