უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
საქართველოს სახალხო დამცველმა ბავშვის უფლებების ცენტრის საკონსულტაციო საბჭოს პირველი შეხვედრა გამართა
2017 წლის 30 ივნისს საქართველოს სახალხო დამცველის ბავშვის უფლებების ცენტრთან არსებული ბავშვის უფლებების დაცვისა და მონიტორინგის საკონსულტაციო საბჭოს პირველი შეხვედრა გაიმართა, რომელზეც სახალხო დამცველმა უჩა ნანუაშვილმა, სახალხო დამცველის მოადგილემ ეკატერინე სხილაძემ, სახალხო დამცველის აპარატის თანამშრომლებმა და საბჭოს მოწვეულმა წევრებმა ქვეყანაში ბავშვთა უფლებრივი მდგომარეობის კუთხით არსებული გამოწვევები, სახალხო დამცველის მანდატი და საქმიანობის ძირითადი მიმართულებები განიხილეს.
საქართველოს სახალხო დამცველმა საკონსულტაციო საბჭოს წევრებს ბავშვთა უფლებების მონიტორინგისა და პოპულარიზაციის, საინფორმაციო–საგანმანათლებლო საქმიანობის კუთხით განხორციელებული აქტივობები, ბავშვთა უფლებების მომწესრიგებელი კანონმდებლობის დახვეწისა და ინდივიდუალური საჩივრების განხილვის ძირითადი შედეგები გააცნო.
საქართველოს სახალხო დამცველის აპარატის ბავშვის უფლებების ცენტრის უფროსმა მაია გედევანიშვილმა ბავშვის უფლებების ცენტრის საქმიანობის ძირითად მიმართულებებზე, შესწავლილ ინდივიდუალურ საქმეებზე, ბავშვთა დაწესებულებების მონიტორინგსა და მიმდინარე პროექტებზე ისაუბრა; ბავშვთა უფლებების სფეროში მიმდინარე საკანონმდებლო ცვლილებები განიხილა.
ომბუდსმენის აპარატის ინფორმაციით, საბჭოს წევრებმა პრიორიტეტული საკითხები და საბჭოს ფუნქციონირების სამომავლო ხედვა წარმოადგინეს.
საბჭოს წევრებმა განიხილეს ბავშვის უფლებათა კონვენციის მე–3 დამატებითი ოქმის ამოქმედებისა და პრაქტიკაში ეფექტიანი იმპლემენტაციის საჭიროების, ბავშვის უფლებების შესახებ ერთიანი კანონის მიღების აუცილებლობის, ბავშვთა მიმართ ძალადობის აღმოფხვრის, ქუჩაში მცხოვრების და მომუშავე ბავშვებისა და არასრულწლოვანთა უფლებების სხვა პრობლემური საკითხები.
ბავშვის უფლებების დაცვისა და მონიტორინგის საკონსულტაციო საბჭო საქართველოს სახალხო დამცველის ბრძანების საფუძველზე, 2016 წლის ნოემბერში დაარსდა. საკონსულტაციო საბჭოს ძირითადი მიზანია საქართველოს სახალხო დამცველის აპარატის მიერ ბავშვის უფლებათა კონვენციის დაცვისა და იმპლემენტაციის მონიტორინგის ეფექტური განხორციელების ხელშეწყობა, კონვენციის პრინციპების გათვალისწინებით. ღია კონკურსის წესით შერჩეული საბჭოს წევრები ბავშვთა დაცვის სფეროში მომუშავე საერთაშორისო და ადგილობრივი არასამთავრობო ორგანიზაციების წარმომადგენლები და ექსპერტები არიან:
ნატო შავლაყაძე – ძალადობისგან დაცვის ეროვნული ქსელი
ეკატერინე სანებლიძე – ბავშვთა კეთილდღეობის ლიგა
ქეთი მარგალიტაძე – საზოგადოებრივი ჯანდაცვის ფონდი
მარინე გეგელაშვილი – ილიას უნივერსიტეტის ასოცირებული პროფესორი
ჯაბა ნაჭყებია – გაეროს ბავშვთა ფონდი
ანტონ ქელბაქიანი – ინიციატივა მოწყვლადი ჯგუფების რეაბილიტაციისთვის
სალომე ნამიჭეიშვილი – ივანე ჯავახიშვილის სახელობის თბილისის სახელმწიფო უნივერსიტეტი
ნინო შატბერაშვილი – სოციალურ მუშაკთა ასოციაცია.