კომენტარი

საქართველოს საკითხი რუსეთისთვის დაწესებული სანქციების განხილვის ერთ-ერთი საგანი უნდა გახდეს - სალომე სამადაშვილი

„ერთიანი ნაციონალური მოძრაობის“ წევრის, სალომე სამადაშვილის შეფასებით, საქართველოს საკითხი რუსეთისთვის დაწესებული სანქციების განხილვის ერთ-ერთი საგანი უნდა გახდეს.

ამის შესახებ სამადაშვილმა რუსეთში ე.წ სამხრეთ ოსეთის დე ფაქტო ლიდერის ე.წ ვიზიტის შეფასებისას განაცხადა.

„საქართველოს საკითხი უნდა გახდეს, რუსეთისათვის დაწესებული სანქციების ერთ-ერთი განხილვის საგანი. დღეს, ამ კონტექსტში საქართველო არ განიხილება.

ჩემთვის სრულიად გაუგებარია, როდესაც ჩვენ დღეს გვთავაზობენ შინაგან საქმეთა მინისტრის კანდიდატურას, რომელსაც პირდაპირ აქვს ბიზნესინტერესები რუსეთში, რომელიც წლების მანძილზე რუსეთში მოღვაწეობდა, იმ დროს როდესც ამ უწყებას ევალება დიდწილად ძალიან მნიშვენლოვანი ნაბიჯების გადადგმა. ჩემთვის გაუგებარია, თუ როგორ შეიძლება ბატონი გახარია იყოს ამ პოსტსზე ადეკვატური კანდიდატი, რუსეთში მისი ინტერესების გათვალისწინებით“,-აღნიშნა სამადაშვილმა.

ე.წ სამხრეთ ოსეთის დე ფაქტო ლიდერი მოსკოვში გუშინ ჩავიდა. დღეს კი, ის რუსეთის ლიდერს ვლადიმირ პუტინს შეხვდება.

მონიკა დავლიანიძე