უკან

უახლესი ამბები

დღის კალენდარი

ანონსები

არქივი

პოლიტიკა

11 მაისი, 2018 15:40
font-size

საქართველოს სასაზღვრო-გამშვებ პუნქტებზე პოლიციელები იმავე უფლებით უნდა აღიჭურვონ, რომელიც შენგენის ზონაში მესაზღვრე პოლიციელებს აქვთ - არჩილ თალაკვაძე

საპარლამენტო უმრავლესობის ლიდერმა არჩილ თალაკვაძემ განმარტა, უვიზო მიმოსვლაზე რა დამატებითი რეგულაციები დაწესდება. სწორედ თალაკვაძეა იმ კანონპროექტის ერთ-ერთი თანაავტორი, რომელიც ეხება ვიზალიბერალიზაციის რეგულაციებს.

დეპუტატის თქმით, ახალი რეგულაციებით საქართველოს სასაზღვრო-გამშვებ პუნქტებზე პოლიციელები შენგენის ზონაში მომუშავე კოლეგების მსგავსი უფლებებით იხელმძღვანელებენ.

„ვიზალიბერალიზაციის რეგულაციებთან დაკავშირებით მომზადებული კანონპროექტის მთავარი მიზანია, საქართველოს სასაზღვრო-გამშვებ პუნქტებზე პოლიციელები იმავე უფლებით აღიჭურვონ, რომელიც შენგენის ზონაში მესაზღვრე პოლიციელებს აქვთ.

თუ მოქალაქეს ვალიდური დოკუმენტი არ აქვს, რომელიც გამგზავრების მომენტიდან მინიმუმ სამი თვე ქმედითი არ არის, ასევე წამსვლელი მოქალაქე ვერ ასაბუთებს, სად მიდის და უკან როდის ბრუნდება, ამ შემთხვევაში, პოლიციელი აღიჭურვება შეჩერების უფლებით, რაც ევროკავშირში მესაზღვრე-პოლიციელსაც აქვს“, – თქვა თალაკვაძემ.

რაც შეეხება კანონპროექტის იმ ნაწილს, რომლის თანახმად, საქართველოს მოქალაქეების ქვეყნიდან უკანონო გადაყვანა დასჯადი გახდება, თალაკვაძემ განაცხადა, რომ ეს ცვლილება ემიგრანტ თანამოქალაქეებს არ ეხება.

„რაც შეეხება სისხლის სამართლის ნაწილს, ეს ცვლილებები ემიგრაციაში მყოფ ჩვენს თანამოქალაქეებს არ ეხებათ. შესაბამისად, ჩანაწერი, რომელმაც სხვადასხვა ინტერპრეტაციები გამოიწვია და საზღვარგარეთ ჩვენს თანამოქალაქეთა წესების დარღვევით ყოფნის ხელშეწყობას ეხება, მთლიანად ამოღებული იქნება და მეორე მოსმენაზე გადამუშავებულ ვერსიას წარვადგენთ“, – განაცხადა თალაკვაძემ.

დეპუტატმა აღნიშნა, რომ ჯერჯერობით მსჯელობენ, თუ როგორ უნდა დაადასტუროს საქართველოს მოქალაქემ, რომ სამშობლოში დაბრუნდება.

„ჯერ კიდევ ვმსჯელობთ კრიტერიუმებზე, როგორ უნდა დაასაბუთოს საქართველოს მოქალაქემ, რომ სამშობლოში დაბრუნდება.კომიტეტზე შემოთავაზება იყო სამგზავრო ბილეთთან დაკავშირებით, რომ საქართველოში დაბრუნების დასადასტურებლად ბილეთი, შესაძლოა, ერთადერთი აუცილებელი დოკუმენტი არ იყოს. რა დოკუმენტები შეიძლება დაემატოს აუცილებლად წარსადგენი საბუთების ჩამონათვალს, ამაზე მსჯელობას ვაგრძელებთ“, – თქვა თალაკვაძემ.

უვიზო მიმოსვლის რეგულაციებთან დაკავშირებული კანონპროექტი ითვალისწინებს ცვლილებების შეტანას სისხლის სამართლის კოდექსსა და „საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“ კანონში. ადამიანის უფლებათა დაცვის საპარლამენტო კომიტეტმა პირველი მოსმენით დოკუემენტს მხარი უკვე დაუჭირა. აღნიშნული კანონპროექტი უვიზო მიმოსვლის არაკეთილსინდისიერი მიზნებისთვის გამოყენების პრევენციისთვისაა შემუშავებული.

მთავრობის ადმინისტრაცია - საკოორდინაციო საბჭომ გართულებული ეპიდემიოლოგიური ვითარება და შეზღუდვების აღსრულების მკაცრი კონტროლის აუცილებლობა განიხილა

13 აპრილი, 2021 , 15:40

უწყებათაშორისმა საკოორდინაციო საბჭომ, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა, გართულებული ეპიდემიოლოგიური ვითარება და დაწესებული შეზღუდვების აღსრულების მკაცრი

„გირჩს“ ცოტა არეული აქვს თავისი ფუნქციები - გია ვოლსკი

12 აპრილი, 2021 , 17:40

რასაც ეს პარტია გვიყვება, შესაძლოა, პოლიტიკისთვის და მხარდამჭერთა რაოდენობის მობილიზების თვალსაზრისით კარგი იყოს, მაგრამ საზოგადოებას სხვა მოთხოვნა აქვს პარლამენტის მიმართ - ამის შესახებ პარლამენტის პირველმა ვიცე-სპიკერმ

საქართველოში ჯერ მხოლოდ ბრიტანული შტამის გავრცელებაა დადასტურებული - პაატა იმნაძე

12 აპრილი, 2021 , 17:15

საქართველოში ჯერ ბრიტანული შტამის გავრცელებაა დადასტურებული, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა. მისივე თქმით, აღნიშნულ შტამთან დაკავშირებით ლუგარ

ჩვენ ღია დავტოვეთ კარი და შესაძლებლობა, რომ სხვა პარტიებიც შემოუერთდნენ საპარლამენტო საქმიანობას - არჩილ თალაკვაძე

12 აპრილი, 2021 , 16:35

დღეს ჩვენი საზოგადოება ხედავს, რომ ძალიან ბევრ მნიშვნელოვან საკითხებზე იმართება საკომიტეტო მოსმენები, ეს ის თემებია, რაც ჩვენს საზოგადოებას აწუხებს და აინტერესებს ყველაზე მეტად. სწორედ ეს არის შედეგი და ის განსხვავება, რ

მჯერა პარლამენტის არჩეული წევრები აცნობიერებენ, რა დევს ახლა მათი ქვეყნისთვის სასწორზე - კელი დეგნანი

12 აპრილი, 2021 , 15:30

ძალიან მნიშვნელოვანია, პოლიტიკურმა პარტიებმა გადაჭრან პოლიტიკური კრიზისი სწრაფად და რაც შეიძლება მალე, - ამის შესახებ აშშ-ის ელჩმა საქართველოში კელი დეგნანმა განაცხადა. "ჩვენ გვესმის საზოგადოებისგან, რომ ელოდება კრიზისის

იმ ბრძოლაში, რა ბრძოლაშიც ახლა უკრაინაა, ვართ ჩვენც - მაკა ბოჭორიშვილი

12 აპრილი, 2021 , 15:30

უკრაინასთან დაკავშირებულ კრიტიკას კატეგორიულად ვერ მივიღებ, საქართველო აქტიურად უჭერს მხარს უკრაინის ტერიტორიულ მთლიანობას – ამის შესახებ პარლამენტის ევროინტეგრაციის კომიტეტის თავმჯდომარე მაკა ბოჭორიშვილმა განაცხად