უკან

უახლესი ამბები

დღის კალენდარი

ანონსები

არქივი

საზოგადოება

16 ივლისი, 2020 14:36
font-size

საქართველოს ტექნიკური უნივერსიტეტის კიბერნეტიკის ინსტიტუტმა ინოვაციური მეთოდი შეიმუშავა და ახალი ტექნოლოგიები შექმნა

საქართველოს ტექნიკური უნივერსიტეტის კიბერნეტიკის ინსტიტუტის ინფორმაციის ჰოლოგრაფიული ჩაწერისა და დამუშავების ლაბორატორიაში, უნიკალური პოლარიზაციულ-ჰოლოგრაფიული დიფრაქციული ელემენტის საფუძველზე, ინოვაციური პოლარიმეტრული მეთოდი შემუშავდა. გამოგონება საშუალებას იძლევა, ჩატარდეს სინათლის პოლარიზაციის მდგომარეობის სრული ანალიზი და დროის რეალურ მასშტაბში განისაზღვროს პოლარიზაციის მდგომარეობის განაწილება და დისპერსია, - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს.


მათივე ცნობით, საქართველოს ტექნიკური უნივერსიტეტის მეცნიერთა გამოგონება გამოიყენება სხვადასხვა კონსტრუქციასა და დეტალში დაძაბული მდგომარეობის განაწილების დასადგენად, ობიექტიდან არეკლილი სინათლის პოლარიზაციის მდგომარეობის განსაზღვრის საფუძველზე.
სტუ-ის კიბერნეტიკის ინსტიტუტის ინფორმაციის ჰოლოგრაფიული ჩაწერისა და დამუშავების ლაბორატორიის ხელმძღვანელის, დოქტორი ბარბარა კილოსანიძის განცხადებით, სწორედ არეკლილი სინათლის პოლარიზაციის ანალიზით კეთდება დასკვნა, აქვს თუ არა კონსტრუქციას დაძაბული მდგომარეობა და რამდენად არსებობს ობიექტის დეფორმაციისა და ნგრევის საშიშროება.

„შემუშავებული მეთოდის საფუძველზე შესაძლებელი იქნება სპეციალური მოწყობილობის შექმნა საველე პირობებში მონიტორინგის ჩასატარებლად მშენებლობისა თუ ენერგეტიკის დარგის ისეთ მნიშვნელოვან კონსტრუქციებზე, როგორიცაა შენობები, ხიდები, გვირაბები, კაშხლები, რეაქტორები და სხვა. ვფიქრობთ, მნიშვნელოვანია, თუ მოხდება ახალი მოწყობილობის წარმოებაში დანერგვა. საქართველოს ტექნიკურმა უნივერსიტეტმა და მისმა კიბერნეტიკის ინსტიტუტმა დაამტკიცა, რომ ეს ინოვაცია ეფექტიანია“, - აცხადებს ბარბარა კილოსანიძე.

ინოვაციური პოლარიმეტრული მეთოდის საფუძველზე, ლაბორატორიაში, ასევე, შეიქმნა უნივერსალური პოლარიზაციულ-ჰოლოგრაფიული გამოსახულების ასტროპოლარიმეტრი, როგორც წერტილოვანი, ასევე განფენილი ასტრონომიული ობიექტების შესასწავლად. ასტროპოლარიმეტრი გამოირჩევა კომპაქტურობით, სწრაფმოქმედებით, მაღალი სიზუსტითა და დაბალი თვითღირებულებით. ამჟამად, ასტროპოლარიმეტრი აპრობაციას აბასთუმნის ასტროფიზიკურ ობსერვატორიაში გადის.

სტუ-ის კიბერნეტიკის ინსტიტუტის ჰოლოგრაფიული ჩაწერისა და დამუშავების ლაბორატორიაში შეიქმნა კიდევ ერთი უნიკალური ტექნოლოგია - მნიშვნელოვანი დოკუმენტების, ფულადი ნიშნებისა და სხვადასხვა საწარმოო პროდუქციის გაყალბებისგან მაღალი დონის პოლარიზაციულ-ჰოლოგრაფიული დაცვის სისტემა. მას მსოფლიოში ანალოგი არ გააჩნია და სხვა სისტემებისგან განსხვავებით, მისი გაყალბება, პრაქტიკულად, შეუძლებელია. ეს უნიკალური სისტემა დამცავი პოლარიზაციულ-ჰოლოგრაფიული ელემენტებისა და ოპტოელექტრონული ამომცნობი მოწყობილობისგან შედგება.

„ლაბორატორიაში შექმნილ მარეგისტრირებელ მასალაზე სხვადასხვა პოლარიზაციის მდგომარეობის მქონე ლაზერის კონებით იწერება პოლარიზაციული ჰოლოგრამა - დამცავი ელემენტი. კონკრეტული პროდუქტისთვის ვიყენებთ პოლარიზაციის მდგომარეობის საიდუმლო კომბინაციას, რომლის შექმნის შესაძლებლობა უსასრულოდ ბევრია - რამდენიმე მილიარდი. ნამდვილობის დასადგენად, ამომცნობ მოწყობილობაში პოლარიზებული სინათლის კონით ვასხივებთ დამცავ ელემენტს და დიფრაქციის შედეგად ფორმირდება ორი დიფრაგირებული კონა. პოლარიზაციის მდგომარეობის კომბინაცია, ნამდვილობის შემთხვავაში, ადეკვატური უნდა იყოს დამცავი ელემენტის ჩამწერი კონების პოლარიზაციის მდგომარეობის კომბინაციისა. ეს კომბინაცია ამომცნობი მოწყობილობის მონაცემთა ბაზაში ინახება“, - განმარტავს ბარბარა კილოსანიძე.

ცნობისთვის, საქართველოს ტექნიკური უნივერსიტეტის კიბერნეტიკის ინსტიტუტის ინფორმაციის ჰოლოგრაფიული ჩაწერისა და დამუშავების ლაბორატორია 1964 წელს ცნობილმა მეცნიერმა, პოლარიზაციული ჰოლოგრაფიის ფუძემდებელმა შერმაზან ყაყიჩაშვილმა დააარსა. მისი კვლევები პოლარიზაციულ ჰოლოგრაფიაში მეცნიერული აღმოჩენად დარეგისტრირდა. ქართველი მეცნიერის ჰოლოგრამების ნაწილი პარიზის ჰოლოგრაფიის მუზეუმის მუდმივმოქმედ ექსპოზიციაშია დაცული. მისი ჰოლოგრამების დიდი კოლექცია, მათ შორის იმპულსური ლაზერის გამოყენებით მის მიერ 40 წლის წინ შექმნილი უნიკალური წრიული ჰოლოგრაფიული ავტოპორტრეტი საქართველოს ტექნიკური უნივერსიტეტის კიბერნეტიკის ინსტიტუტის ინფორმაციის ჰოლოგრაფიული ჩაწერისა და დამუშავების ლაბორატორიაში ინახება.

ვახტანგ გომელაურმა სამსახურებრივი მოვალეობის დროს დაღუპული პოლიციელების მემორიალი გვირგვინით შეამკო

8 აგვისტო, 2020 , 14:20

შინაგან საქმეთა მინისტრმა, ვახტანგ გომელაურმა, მოადგილეებთან ერთად 2008 წლის აგვისტოს რუსეთ-საქართველოს ომის 12 წლისთავთან დაკავშირებით, სამსახურებრივი მოვალეობის დროს დაღუპული პოლიციელების მემორიალი, გვირგვინით შეამკო დ

ამ ადამიანებმა ღირსეულ საქართველოს შესწირეს თავი და დღეს საქართველო არ არის ღირსეული - სალომე ზურაბიშვილი

8 აგვისტო, 2020 , 12:45

აგვისტოს ომის გმირები სამშობლოსა და ერთიანობისთვის დაიხოცნენ. ჩვენ კი ერთიანობის ნაცვლად, დაპირისპირებაზე ვართ გადასული, – ამის შესახებ საქართველოს პრეზიდენტმა, სალომე ზურაბიშვილმა მუხათგვერდის ძმათა სასაფლაოზე ჟურ

თითოეული ჩვენგანის ვალია, გვახსოვდეს ყველა დაღუპული, ვემსახუროთ და მოვუაროთ ამ ქვეყანას, იმისთვის, რომ მივაღწიოთ საბოლოო მიზანს - ქვეყნის დეოკუპაციას - გიორგი გახარია

8 აგვისტო, 2020 , 12:45

თითოეული ჩვენგანის მოვალეობა და ვალია, გვახსოვდეს ყველა დაღუპული, ვემსახუროთ და მოვუაროთ ამ ქვეყანას, იმისთვის, რომ მივაღწიოთ საბოლოო მიზანს - ქვეყნის დეოკუპაციას, ტერიტორიული მთლიანობის აღდგენას და ეს იქნება თითოეული ქა

საქართველოში კორონავირუსის სამი ახალი შემთხვევა გამოვლინდა, გამოჯანმრთელდა ორი პაციენტი

8 აგვისტო, 2020 , 12:10

საქართველოში კორონავირუსის სამი ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი აქვეყნებს. მათი ინფორმაციით, ამ დროისთვის საქართველოში კორონავირუსის 1 216 შემთხვევაა დადასტურებუ

სოფელ მერეთში ფილმის - „უარყოფითი რიცხვები“, ჩვენება გაიმართა

8 აგვისტო, 2020 , 12:10

საოკუპაციო ხაზთან, სოფელ მერეთში უტა ბერიას ფილმის - „უარყოფითი რიცხვები“, ჩვენება გაიმართა. ამის შესახებ ინფორმაციას ეროვნული კინოცენტრი ავრცელებს. მათი ცნობით, ღონისძიება პროექტ „ზაფხულის კინოსკოლის&l

აგვისტოს ომში დაღუპულთა ხსოვნის პატივსაცემად, სახელმწიფო შენობებზე საქართველოს დროშები დაუშვეს

8 აგვისტო, 2020 , 11:35

რუსეთ-საქართველოს ომის მე-12 წლისთავთან დაკავშირებით, საქართველოს მასშტაბით ადმინისტრაციულ შენობებზე სახელმწიფო დროშები დაეშვა. საქართველოს დამოუკიდებლობისა და ერთიანობისთვის ბრძოლაში დაღუპულთა ხსოვნის პატივსაცემად, დროშ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე