უკან
მოზაიკა
13 ნოემბერი, 2018 16:55
საქართველოს უმეტეს რაიონში ხვალ ნალექს და ჰაერის ტემპერატურის კლებას ელიან
სინოპტიკოსები საქართველოში 14 ნოემბრისთვის ნალექიან ამინდს პროგნოზირებენ.
გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში წვიმაა მოსალოდნელი, მაღალ მთაში კი, თოვ-ჭყაპი. იქროლებს აღმოსავლეთის ქარი ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +12, +178; მთაში +8, +13; მაღალ მთაში +4, +9 გრადუსი.
აღმოსავლეთ საქართველო უმეტეს რაიონში ნავარაუდევია ნალექი, მთაში ზოგან თოვლის სახით. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +3, +8; მთაში +2, +7; მაღალ მთაში 0, +5 გრადუსი.
თბილისში წვიმა და ნისლია მოსალოდნელი. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში +7 გრადუსი იქნება.