მოზაიკა

საქართველოს ზოგიერთ რაიონში ხვალ იწვიმებს

სინოპტიკოსები საქართველოში 8 ივლისისთვის მცირე ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +22, +27, მთაში +19, +24; მაღალ მთაში +15, +20 გრადუსი.

აღმოსავლეთ საქართველოში მოსალოდნელია ხანმოკლე წვიმა, ზოგან შესაძლებელია სეტყვა. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +24, +29; მთაში +21, +26; მაღალ მთაში +18, +23 გრადუსი.

თბილისში მოსალოდნელია მცირე ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +28 გრადუსი იქნება.

ნინო ექვთიმიშვილი