უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
საქართველოსა და პორტუგალიის განათლების მინისტრები სამომავლო თანამშრომლობაზე შეთანხმდნენ
საქართველოს განათლებისა და მეცნიერების მინისტრმა მიხეილ ჩხენკელმა და პორტუგალიის განათლების მინისტრმა ტიაგო ბრანდაო როდრიგესმა სამომავლო თანამშრომლობაზე იმსჯელეს. მინიტრებს შორის ორმხრივ შეხვედრაზე მთავარი აქცენტი პროფესიულ განათლებაზე და ამ მიმართულებით სამომავლო მჭიდრო თანამშრომლობაზე გაკეთდა.
საქართველოს განათლებისა და მეცნიერების სამინისტროს ინფორმაციით, მხარეები შეთანხმდნენ, რომ ორი ქვეყნის განათლების სამინისტროებს შორის შემუშავდეს მემორანდუმი, რაც განათლების კუთხით ქვეყნებს შორის თანამშრომლობას გააღრმავებს.
მიხეილ ჩხენკელმა პორტუგალიელ კოლეგას პროფესიულ განათლებაში სტუდენტთა გაცვლითი პროგრამის შემუშავება შესთავაზა, რაც ქართველ სტუდენტებს შესაძლებლობას მისცემს გარკვეული დროით პორტუგალიის კოლეჯებს ესტუმრონ და ამ ფორმით ცოდნა გაიღრმავონ. ამასთან, საქართველოს კოლეჯები პორტუგალიელ სტუდენტებს უმასპინძლებენ.
პორტუგალიის განათლების მინისტრმა ქართველ კოლეგას საკუთარი ქვეყნის გამოცდილება გაუზიარა, თუ როგორ დაძლიეს პროფესიულ განათლებასთან მიმართებით არსებული ფსიქოლოგიური ბარიერი და როგორ ცდილობენ წლიდან წლამდე პროფესიული განათლების პრესტიჟი და პოპულარობა გაზარდონ.
შეხვედრის დასასრულს, მიხეილ ჩხენკელმა პორტუგალიელი კოლეგა საქართველოში დაპატიჟა. თანამშრომლობის მემორანდუმს, ხელი სწორედ მისი ვიზიტის დროს მოეწერება.
საქართველოსა და ფინეთის განათლების მინისტრების შეხვედრა ლისაბონში, განათლების მინისტერიალია ფარგლებში შედგა, რომელიც პორტუგალიის მთავრობის ორგანიზებით ტარდება და მასში მსოფლიოს სხვადასხვა ქვეყნის მინისტრები, პედაგოგთა კავშირების ლიდერები და განათლების ექსპერტები მონაწილეობენ. საქართველოს დელეგაციის წევრები არიან ასევე პედაგოგთა და მეცნიერთა თავისუფალი პროფკავშირის პრეზიდენტი მაია კობახიძე და საქართველოს სკოლის ადმინისტრატორთა ასოციაციის თანადამფუძნებელი არჩილ სუმბაძე.