საზოგადოება

რუსეთის ბიზნესომბუდსმენის კომპანია საქართველოში ტენდერებს იგებს

„СЕВЕР“ მხოლოდ სამ ტენდერში დამარცხდა: 2014 წელს ბათუმის მერიის მიერ გამოცხადებულ 100,000-ლარიან ტენდერში; 2021 წელს ხელვაჩაურის გამწვანების, დასუფთავებისა და კომუნალური მომსახურების სამსახურის მიერ გამოცხადებულ ტენდერში, რომლის სავარაუდო ღირებულება იყო 20,000 ლარი და ამავე სამსახურის მიერ 2022 წლის იანვარში გამოცხადებულ, ასევე 20,000 ლარის სავარაუდო ღირებულების ტენდერში. [1]

აღსანიშნავია, რომ თითქმის ყველა შემთხვევაში, ხელშეკრულების ღირებულება შესყიდვის სავარაუდო ღირებულების ტოლია, ან გაიაფებულია უმნიშვნელოდ, ზოგჯერ, მხოლოდ რამდენიმე თეთრით.

ჩვენ არ მიგვაჩნია, რომ მიუსაფარი ცხოველების მოვლა-პატრონობის, მათი პოპულაციის რეგულირებისთვის, ასევე ნაგავსაყრელის ექსპლუატაციისა და სანიტარული მომსახურებისთვის 2014 წლიდან დღემდე კომპანიისთვის გადახდილი თანხის მოცულობა დიდია. აღნიშნული მომსახურება გაცილებით ძვირიც ღირს. ჩვენი ყურადღება კომპანიის ერთ-ერთი მფლობელის, ნევეროვის რუსეთის ფედერაციის ხელისუფლებასთან კავშირმა მიიქცია, რაც საქართველოში მის საქმიანობასთან მიმართებით, გარკვეულ კითხვებს აჩენს.

ბათუმისა და სხვა მუნიციპალიტეტების ტერიტორიაზე მიუსაფარი ცხოველების საკითხი კი მოუგვარებელ პრობლემად რჩება და უფრო მეტიც, თუ უკმაყოფილო ბათუმელებსა და ტურისტებს დავუჯერებთ, გამწვავდა კიდეც. არსებულ პრობლემაზე ხშირად მიუთითებენ მედია და არასამთავრობო ორგანიზაციები. თუმცა ამ მიმართულებით გარკვეული ნაბიჯი უკვე გადაიდგა: 2020 წლის ბოლოს ქალაქის მერმა ცხოველთა თავშესაფრის მშენებლობა დააანონსა, ხოლო 2021 წლის 16 ნოემბერს, ტენდერში გამარჯვებულ შპს „საბა კონსტრაქშენთან“, 12,788,480-ლარიანი ხელშეკრულება გაფორმდა. სამუშაოები 2024 წლის 10 დეკემბრის ჩათვლით პერიოდში უნდა დასრულდეს.

[1] კომპანიის მიერ მოგებული ტენდერებისა და სახელმწიფო შესყიდვების შესახებ ინფორმაცია იხილეთ დანართში.

ნაზი რეხვიაშვილი

ფაქტ-მეტრი