უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
ეკონომიკა
საქართველოში ახლად შემოსული საერთაშორისო კომპანია „არვატო“ 500-მდე ადამიანის დასაქმებას გეგმავს
საქართველოს ეკონომიკისა და მდგრადი განვითარების მინისტრის მოადგილე ქეთი ბოჭორიშვილი გერმანული კომპანია ,, Arvato“ - ს თბილისის ოფისის ოფიციალური გახსნის პრეზენტაციას დაესწრო. ღონისძიებაზე ასევე თბილისის მერი დავით ნარმანია იმყოფებოდა.
„არვატო“ წამყვანი საერთაშორისო სერვის-პროვაიდერი კომპანიაა. ბიზნესკლიენტებს 40-მდე ქვეყანაში „არვატოს“ 70 000-ზე მეტი თანამშრომელი უწევს კონსულტაციას ინოვაციური გადაწყვეტილებების მიღებაში, რომელიც მოიცავს ინტეგრირებული მომსახურების სფეროსთან დაკავშირებულ სხვადასხვა ბიზნესპროცესებს. ეს სფეროებია ციფრული მარკეტინგი, CRM, SCM და IT გადაწყვეტილებები. „არვატო“ Bertelsmann SE & Co. KGaA-ს შვილობილი კომპანიაა, - აცნობეს მედიანიუსს ეკონომიკის სამინისტროდან.
უცხოელი ინვესტორების განცხადებით, საქართველო არაჩვეულებრივ საშუალებას იძლევა ბიზნესის დანერგვის და განვითარებისთვის. მათი ინფორმაციით, სწორედ ამან განაპირობა, 2 წლიანი კვლევის შემდეგ კომპანიის საქართველოს ბაზარზე შემოსვლა. ,,ჩვენ მოხარულები ვართ, რომ საქართველოში ვიმყოფებით. თქვენი ქვეყანა ავირჩიეთ, რადგან მას კარგი საინვესტიციო პირობები აქვს. ჩვენთვის საქართველო სამაგალითოა, თუ როგორ შეგიძლია განავითარო ინვესტიცია. სანამ თქვენს ქვეყანაში ჩამოვიდოდით, ბევრი პირობები გავაანალიზეთ და ვიმსჯელეთ, ჩავატარეთ კვლევა და ვიმუშავეთ საინვესტიციო ჯგუფებთან, გერმანიის ბიზნესის ასოციაციასთან ერთად განვიხილეთ არსებული მარკეტინგი. აქ, საინვესტიციოდ ნამდვილად პოზიტიური გარემოა. მინდა ხაზი გავუსვა იმასაც, რომ მნიშვნელოვანია ანტიკორუფციული გარემო, რაც ნამდვილად სახარბიელოა. გარდა ამისა, ბიზნესის დაწყების პროცედურა თქვენთან საკმაოდ მარტივია. ერთ-ერთი მიზეზი, თუ რატომ მოვედით მაინცდამაინც თქვენს ქვეყანაში არის ის, რომ აქ არაჩვეულებრივი ადამიანური რესურსებია. ყურადღებას ვამახვილებთ ენობრივ უნარ-ჩვევებზე, როგორიცაა გერმანული, ინგლისური და რუსული. ამ თვალსაზრისით კი შესანიშნავი ბაზა გაქვთ, რაც ბევრი ადამიანის დასაქმების საშუალებას გვაძლევს.“ - განაცხადა ,, Arvato“ -ს კლიენტებთან მომსახურების სამსახურის დირექტორმა მათიას მულანმა.
კომპანიამ ამ ეტაპზე 130 კვალიფიციური ადამიანის დასაქმება შეძლო და 3 მილიონამდე ინვესტიცია ჩაიდო. თუმცა, როგორც საქართველოს ეკონომიკისა და მდგრადი განვითარების მინისტრის მოადგილემ ქეთი ბოჭორიშვილმა აღნიშნა, ისინი დამსაქმებელთა რაოდენობის გაზრდას 500 - მე აპირებენ.
მინისტრის მოადგილემ ხაზგასმით აღნიშნა, რომ სწორედ ეს არის ის პოლიტიკა, რასაც დღეს საქართველოს მთავრობა ახორციელებს. ,,კომპანია ,,Arvato“ - მ, 2 წლიანი წინასწარი კვლევების საფუძველზე მიიღო გადაწყვეტილება, რომ ოფისი საქართველოში გაეხსნა და საქმიანობა აქ გაეგრძელებინა. სწორედ ეს არის ის პოლიტიკა, რომელსაც ჩვენ ვახორციელებთ და ჩვენი მთავარი მიზანია დავაინტერესოთ ახალი ბიზნესი, მოვიდნენ და მოემსახურონ ევროპულ ბაზრებს საქართველოდან. გადაწყვეტილება, რომ მათ ინტერესის საგანი ყოფილიყო საქართველო, განპირობებულია სხვადასხვა ფაქტორით: ეს არის ბიზნესის ხელშეწყობა, მათ შორის კვალიფიციური მუშახელის არსებობა და რაც მნიშვნელოვანია, საქართველოში არსებული სტაბილური და პერსპექტიული გარემოთი“ - განაცხადა ქეთი ბოჭორიშვილმა.