უკან

უახლესი ამბები

დღის კალენდარი

ანონსები

არქივი

ეკონომიკა

28 მარტი, 2017 18:05
font-size

საქართველოში ებრაული მემკვიდრეობის ევროპული მარშრუტი ამოქმედდება

საქართველო ევროპის საბჭოს კულტურული მარშრუტის მონაწილე ქვეყანა გახდა. საქართველოს კულტურისა და ძეგლთა დაცვის სამინისტროს წარდგინებით, „ისრაელის სახლი“ საქართველოში ებრაული მემკვიდრეობის ევროპულ მარშრუტს უხელმძღვანელებს. „ისრაელის სახლმა“ შესაბამისი მანდატი ამ დღეებში ლუქსემბურგში ევროპის საბჭოს ეგიდით გამართულ ფორუმზე მიიღო.

ფორუმზე „ისრაელის სახლს“ მისი დამფუძნებელი და ხელმძღვანელი იციკ მოშე წარმოადგენდა, რომელმაც ღონისძიებაზე გამგზავრებამდე კონსულტაციები კულტურის მინისტრის მოადგილესთან, ლევან ხარატიშვილთან გამართა.

ებრაული მემკვიდრეობის ევროპულ მარშრუტს მართავს ებრაული კულტურისა და მემკვიდრეობის დაცვისა და ხელშეწყობის ევროპული ასოციაცია (AEPJ), რომელსაც იციკ მოშემ „ისრაელის სახლის“ მიერ საქართველოში ებრაული მემკვიდრეობის შესახებ მომზადებული ბუკლეტი და დოკუმენტური ფილმი წარუდგინა. მათში მოთხრობილია ყველა იმ ადგილის, ღირსშესანიშნაობისა და მოვლენის შესახებ, რომელიც საქართველოში (მათ შორის აფხაზეთსა და ცხინვალის რეგიონში) ებრაელთა ყოფნასა თუ ებრაული კულტურის გავლენას უკავშირდება.

ლუქსემბურგის ფორუმმა მოიწონა ისრაელის სახლის მიერ წარდგენილი მარშრუტის პროექტი. მისი მონაწილეებისთვის კი განსაკუთრებით შთამბეჭდავი იყო ინფორმაცია ლაილაშის ბიბლიის, არმაზის ბილინგვასა და საქართველოში ებრაელობისადმი დამოკიდებულებაზე.

ევროსაბჭოს პროგრამისთვის საქართველოს მნიშვნელობაზე ფორუმის მიმდინარეობისას იციკ მოშე ესაუბრა ლუქსემბურგის მთავრობის წევრებს, საერთაშორისო ორგანიზაციების წარმომადგენლებს, პოლონეთის ელჩს, ბრიტანეთის დელეგაციას და მათ საქართველოს მარშრუტის მხარდაჭერა სთხოვა. თავის მხრივ, იციკ მოშეს თქმით, „ისრაელის სახლი“ მზადაა მსოფლიოში ლობირება გაუწიოს საქართველოს მარშრუტს და არ დაიშუროს ენერგია მისი წარმატებით ამოქმედებისთვის. ამ საქმეში „ისრაელის სახლს“ აქვს საქართველოს კულტურის სამინისტროს, კერძოდ კი მინისტრის მოადგილის, ლევან ხარატიშვილის განსაკუთრებული მხარდაჭერა.

ებრაული კულტურული მემკვიდრეობის ახალი მარშრუტის პრეზენტაცია წელს, ზაფხულში იერუსალიმში გაიმართება. ეს იქნება ახალი კულტურული მარშრუტი ისრაელელებისა და მსოფლიო ებრაელობისთვის, რომელიც დაიწყება იერუსალიმიდან და დასრულდება საქართველოში. მარშრუტში ჩაერთვება ქართველი შინდლერების პარკიც, რომლის გაშენებაც, „ისრაელის სახლის“ ინიციატივით, თბილისში იგეგმება.

მომავალ ფორუმზე, 2018 წელს თბილისი, ხუთ ქალაქთან ერთად, ევროპაში წარმოდგენილი იქნება, როგორც მარშრუტის ერთ-ერთი ცენტრი, ხოლო საქართველო გახდება ფორუმის ბორდის წევრი. ლუქსემბურგის ფორუმზე მას კანდიდატის სტატუსი მიენიჭა.

ისრაელის სახლის ხელმძღვანელმა ევროსაბჭოს ებრაული კულტურისა და მემკვიდრეობის დაცვისა და ხელშეწყობის ევროპული ასოციაციასთან შეათანხმა, თბილისში, პრაღისა და ამსტერდამის პარალელურად, გაიმართოს ებრაული კულტურული მემკვიდრეობის ამსახველი გამოფენა. ამ საკითხთან დაკავშირებით იციკ მოშე აპირებს საქართველოს კულტურისა და ძეგლთა დაცვის სამინისტროს ხელძღვანელობასთან, დედაქალაქის მერთან და ტურიზმის ადმინისტრაციის მეთაურთან შეხვედრას.

იციკ მოშეს განცხადებით, აღნიშნული სერტიფიცირებული კულტურული მარშრუტის ამოქმედება ხელს შეუწყობს საქართველო პოპულარიზაციას, კულტურული ტურიზმის მდგრად განვითარებასა და პოტენციალის წარმოჩენას.

ცნობისთვის: საქართველო კულტურული მარშრუტების შესახებ ევროპის საბჭოს გაფართოებული წილობრივი შეთანხმების 27-ე წევრი სახელმწიფო ცოტა ხნის წინათ გახდა. კულტურული მარშრუტების გაფართოებული წილობრივი შეთანხმება (Enlarged Partial Agreement EPA) 2010 წელს ამოქმედდა და მოიცავს ევროპის საბჭოს 32 სერტიფიცირებულ კულტურულ მარშრუტს.

საკვანძო სიტყვები:

ცოდნაზე დაფუძნებული, ინოვაციური ეკონომიკის განვითარებას ჩვენი ქვეყნის წინსვლისთვის განსაკუთრებული მნიშვნელობა აქვს - ირაკლი კობახიძე

19 მარტი, 2024 , 12:27

მინდა, მივულოცო ინოვაციებისა და ტექნოლოგიების სააგენტოს 10 წლის იუბილე, ეს ძალიან მნიშვნელოვანი თარიღი, – ამის შესახებ საქართველოს პრემიერ-მინისტრმა, ირაკლი კობახიძემ ინოვაციებისა და ტექნოლოგიების სააგენტოს 10 წლის

ანაკლიის პორტის საზღვაო ინფრასტრუქტურის პროექტირების და სამშენებლო სამუშაოების განხორციელებისთვის საერთაშორისო ტენდერი გამოცხადდა

18 მარტი, 2024 , 13:04

მსოფლიო ბანკის შესყიდვის პროცედურების მიხედვით, ანაკლიის პორტის საზღვაო ინფრასტრუქტურის პროექტირების და სამშენებლო სამუშაოების განხორციელებისთვის საერთაშორისო ტენდერი გამოცხადდა. ამის შესახებ ინფორმაციას ეკონომიკის

იანვარ-თებერვალში საქართველოში საქონლით საგარეო სავაჭრო ბრუნვა ხუთი პროცენტით შემცირდა - საქსტატი

13 მარტი, 2024 , 13:09

სტატისტიკის ეროვნული სამსახურის წინასწარი შეფასებით, 2024 წლის იანვარ-თებერვალში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 2 941.5 მლნ. აშშ დოლარი შეადგინა, რაც წინა წლის შესაბამის

2023 წელს, წინა წელთან შედარებით, პირდაპირი უცხოური ინვესტიციების მოცულობა 24 პროცენტით შემცირდა - საქსტატი

11 მარტი, 2024 , 12:03

სტატისტიკის ეროვნული სამსახურის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2023 წელს 1 594.7 მლნ. აშშ დოლარი შეადგინა, რაც 24.0 პროცენტით ნაკლებია 2022 წლის დაზუსტებულ მ

შუა დერეფანი სრულად თუ განვითარდება, არსებობს ეკონომიკური განვითარების უზარმაზარი პოტენციალი - როლანდ პრაისი

27 თებერვალი, 2024 , 12:41

შუა დერეფანი სრულად თუ განვითარდება, არსებობს ეკონომიკური განვითარების უზარმაზარი პოტენციალი, – ამის შესახებ სამხრეთ კავკასიაში მსოფლიო ბანკის რეგიონულმა დირექტორმა, როლანდ პრაისმა შუა დერეფნის პოტენციალის ათვისები

ეკონომიკის ოლიმპიადაზე რეგისტრაცია დაიწყო - პროექტის მხარდამჭერია „საქართველოს ბანკი“

21 თებერვალი, 2024 , 12:57

საქართველოს ეკონომიკური წიგნიერების ინიციატივის (GELi) ორგანიზებით და „საქართველოს ბანკის“ მხარდამჭერით, ქვეყანაში ყველაზე მასშტაბური ეკონომიკის რიგით მეორე ოლიმპიადა გაიმართება. „საქართველოს ბანკი

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი