საზოგადოება

საქართველოში კარტოფილის მეთესლეობის გეგმის განხილვა გაიმართა

საქართველოში მეკარტოფილეობის განვითარების საკითხებზე შეხვედრა კარტოფილის საერთაშორისო ცენტრმა (CIP) გარემოს დაცვისა და სოფლის მეურნეობის სამინისტროს სსიპ სოფლის-მეურნეობის სამეცნიერო კვლევითი ცენტრის მხარდაჭერით გამართა. შეხვედრა ავსტრიის განვითარების სააგენტოს ფინანსური მხარდაჭერით, პროექტის „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“ ფარგლებში დაიგეგმა.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

საქართველოში კარტოფილი მნიშვნელოვან კულტურას წარმოადგენს და ის დაახლოებით 25 000 ჰექტარზე იწარმოება. კარტოფილის საერთაშორისო ცენტრმა საქართველოში მეკარტოფილეობის დარგის საბაზისო კვლევები ჩაატარა და მიღებულ შედეგებზე დაყრდნობით, საქართველოში კარტოფილის მეთესლეობის განვითარების გეგმა შეიმუშავა. გეგმა ახალი გენოტიპების შემოტანას, შერჩეულ ჯიშებში ვირუსებისადმი გამძლე ჯიშების იდენტიფიკაციას და კატალოგის შექმნას, ჯიშობრივ კვლევებს, ექსტენციონალისტებისა და ფერმერების გადამზადებას, ტექნიკის ადაპტაციას, თესლის სიჯანსაღეზე მონიტორინგს, სერტიფიცირებული თესლის სტრატეგიულ გამოყენებას, საბაზრო ჯაჭვის კვლევებს და ბიზნეს შესაძლებლობების განვითარების ანალიზს, ჯანსაღი სათესლე მასალის მიღებით მოსავლიანობის მკვეთრ ზრდას ითვალისწინებს.

აღსანიშნავია, რომ თესლის სერტიფიცირების შესახებ კანონი უკვე ძალაშია, რაც ფერმერებს დაეხმარებათ, გამოიყენონ ხარისხიანი სათესლე მასალა და ხარისხიანი პროდუქტი მიიღონ.

სათესლე მასალის ხარისხის გაუმჯობესების და ცნობიერების ამაღლების მიზნით, პროექტის ფარგლებში, უკვე გადამზადდა 80-მდე ფერმერი, სოფლის მეურნეობის საინფორმაციო-საკონსულტაციო სამსახურის 30-მდე წარმომადგენელი და 90-მდე მეცნიერი.

შეხვერდას სოფლის მეურნეობის სამეცნიერო-კვლევითი ცენტრის, ავსტრიის განვითარების სააგენტოს (ADA), საერთაშორისო არასამათავრობო ორგანიზაცია ქეას, საერთაშორისო ორგანიზაცია მერსი ქორპსის, შვეიცარიის განვითარებისა და თანამშრომლობის სააგენტოს, USAID-ის, აკრედიტაციის ცენტრის და საქპატენტის წარმომადგენლები ესწრებოდნენ.

ეკა ტიკარაძე ჯანმრთელობის მსოფლიო ორგანიზაციის საქართველოს ოფისის ხელმძღვანელს შეხვდა

24 ივლისი, 2019 , 10:05

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე ჯანმრთელობის მსოფლიო ორგანიზაციის საქართველოს ოფისის ხელმძღვანელს, სილვიო დომენტეს შეხვდა. როგორც საქ

ოქუაშვილის თამბაქოს ბიზნესი, ჯოხთაბერიძის „მაგთიკომი“, „საქართველოს ტელეკომი“, რკინიგზა, ბენზინის იმპორტი... იმათთვის ჩვენ უნდა წაგვერთმია და ამათთვის გვეჩუქებინა - ირაკლი ოქრუაშვილი

24 ივლისი, 2019 , 09:30

ეროსი კიწმარიშვილს მივეცი ფურცელი, დაწერე, რა გინდა-მეთქი, ერთი ფურცელი არ ეყო, ერთი კიდევ მივაწოდე, – განაცხადა პარტია „გამარჯვებული საქართველოს“ ლიდერმა ირაკლი ოქრუაშვილმა „ტვ პირველის“ გა