მოზაიკა

საქართველოში ხვალ ყინვა და ქარბუქია მოსალოდნელი

სინოპტიკოსები დასავლეთ საქართველოში ხვალისთვის ნალექს პროგნოზირებენ, აღმოსავლეთში კი, უმეტესად უნალექო ამინდს.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს. დღის მეორე ნახევარში ნალექია მოსალოდნელი, უმეტესად თოვლის სახით. შესაძლებელია ქარბუქი. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში 0, +5; მთაში -3, +2; მაღალ მთაში -6, -1 გრადუსი.

დროგამოშვებით მოიღრუბლება აღმოსავლეთ საქართველოშიც, თუმცა უმეტესად უნალექოდ. მაღალ მთაში შესაძლებელია ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში -2, +3; მთაში -5, 0; მაღალ მთაში -3, -8 გრადუსი.

თბილისში დროგამოშვებით ღრუბლიანობა მოიმატებს, თუმცა დღე უმეტესად უნალექoდ ჩაივლის. იქროლებს დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერი კი, დედაქალაქში ხვალ +2 გრადუსი იქნება.

ნინო ექვთიმიშვილი