მოზაიკა

საქართველოში ხვალ წვიმიან ამინდს ელიან

სინოპტიკოსები საქართველოს უმეტეს რაიონში ხვალისთვის ღრუბლიან და წვიმიან ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს ზოგიერთ რაიონში იწვიმებს. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +19, +24; მთაში +15, +20; მაღალ მთაში +11, +16 გრადუსი.

აღმოსავლეთ საქართველოს უმეტეს რაიონში ასევე, ნავარაუდევია წვიმა, ზოგიერთ რაიონში ნისლი. იქროლებს აღმოსავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +12, +17; მთაში +10, +15; მაღალ მთაში 3, +8 (ზოგან +13-მდე) გრადუსი.

თბილისში წვიმა და ნისლია მოსალოდნელი. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში +14 გრადუსი იქნება.