საზოგადოება

საქართველოში​ კორონავირუსისგან გამოჯანმრთელებულია ხუთი პაციენტი

საქართველოში​ კორონავირუსისგან გამოჯანმრთელებული ხუთი პაციენტის შესახებ ინფორმაცია ოფიციალურ ვებგვერდ stopcov.ge-ზეც დაიდო.

ვებგვერდზე ამ დროისთვის განთავსებული ინფორმაციის თანახმად,​ კორონავირუსის დადასტურებული შემთხვევა – 54 მათ შორის გამოჯანმრთელებული – ხუთი კარანტინის რეჟიმში – 3320 სტაციონარში მეთვალყურეობის ქვეშ – 235.

საქართველოში პირველმა გამოჯანმრთელებულმა პაციენტმა თბილისის ინფექციური საავადმყოფო 16 მარტს დატოვა. კლინიკიდან გაწერილი პაციენტი რეკომენდაციების თანახმად, თვითიზოლაციაში ორი კვირის განმავლობაში დარჩება.

საქართველოში ახალი კორონავირუსის პირველი შემთხვევა 26 თებერვალს დაფიქსირდა. ვირუსი დაუდგინდა საქართველოს მოქალაქეს – 50 წლის მამაკაცს, რომელიც აზერბაიჯანის გავლით ირანიდან შემოვიდა.