საზოგადოება
საქართველოში შეძენილი 10 სათამაშოდან 9-ში მავნე ნივთიერება D-2-Etilhexilftalat აღმოჩნდა
სტრატეგიული კვლევებისა და განვითარების ცენტრის“ მიერ ჩატარებული კვლევის შედეგებით, საქართველოში შეძენილი 10 სათამაშოდან 9-ში მავნე ნივთიერება D-2-Etilhexilftalat აღმოჩნდა, რომელიც ჯანმრთელობისთვის საზიანოა და მისი სათამაშოებში გამოყენება ევროკავშირში აკრძალულია.
შესაბამის ინფორმაციას ინფორმაციას საქართველოს სახალხო დამცველის აპარატი ავრცელებს.
სათამაშოების უსაფრთხოების მარეგულირებელი წესებისა და არსებული პრაქტიკის შესწავლა სახალხო დამცველის აპარატმა 2016 წლიდან დაიწყო.
ომბუდსმენის აპარატი იწყებს კამპანიას ”უსაფრთხო სათამაშო”, რომლის ფარგლებში დაგეგმილია მნიშვნელოვანი ღონისძიებები სათამაშოების წარმოებისა და მიწოდების ბაზრის ზედამხედველობის მექანიზმის შექმნის, საკანონმდებლო და ინსტიტუციური ბაზრის მოწესრიგების, ბიზნესსექტორის პასუხისმგებლობის განსაზღვრისა და მოქალაქეთა ცნობიერების ამაღლების მიმართულებით.
,,ქვეყანაში უნდა შეიქმნას გარკვეული მექანიზმი, რომელიც შეამოწმებს იმ სათამაშოებს, რომელიც ბაზარზე ვრცელდება. სამწუხაროდ, შემოწმების მიხედვით დადგინდა, რომ ამ სათამაშოების დიდი ნაწილი შეიცავს გარკვეულ ნივთირებებს, რომელიც ბავშვების სიცოცხლისთვის და ჯანმრთელობისთვის საზიანოა. აქედან გამომდინარე, საქართველოს აქვს ვალდებულება შეურთდეს ევროკავშირის სპეციალურ დირექტივას 2019 წლის სექტემბრამდე, თუმცა მანამდე სახელმწიფომ უნდა გადადგას კონკრეტული ნაბიჯები, რომ ზოგადად დარეგულირდეს არსებული მდგომარეობა. ჩვენ ვიწყებთ საინფორმაციო კამპანიას, რომელიც გულისხმობს გარკვეული მონიტორინგის მექანიზმის შექმნასაც, რომ შემოწმდეს სათამოები ქვეყანაში, ამაღლდეს ცნობიერება. ჩვენ ვგეგმავთ გარკვეულ ღონისძიებებს, მათ შორის საბავშვო ბაღებში, რომ იყოს გარკვეულწილად შემოწმებული ის სათამაშოები, რომლებიც საბავშვო ბაღებშია“,- განაცხადა უჩა ნანუაშვილმა.
ნინო ექვთიმიშვილი