უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
ეკონომიკა
საქართველოში „ვინდჰამის“ პრემიუმ ბრენდი „ვინდჰამ გრანდი“ შემოვიდა
თბილისში, ლ. გუდიაშვილის ქუჩაზე მდებარე ყოფილი „რიქსოსის“ უნიკალური არქიტექტურის სასტუმროს მშენებლობა დასასრულს მიუახლოვდა. ობიექტში განხორციელდა 45 მილიონი დოლარის ინვესტიცია. შენობა მდებარეობს მუზეუმების ქუჩაზე და ორგანულადაა შერწყმული კულტურული მემკვიდრეობის ნუსხაში შესულ ისტორიულ ნაგებობებთან.
ამიერიდან სასტუმრო მსოფლიოში უდიდესი ქსელის „ვინდჰამის“ პრემიუმ ბრენდის „ვინდჰამ გრანდის“ სახელით იმუშავებს.
დღეს სასტუმრო „ქორთიარდ მარიოტში“ გაიმართა ყოფილი სასტუმრო „რიქსოსის“ მფლობელი კომპანია City M-ის დირექტორს გოჩა გვენეტაძეს და „ვინდამის“ წარმომადგენელს სერგეი ეგოროვს შორის დოკუმენტის ხელმოწერის ცერემონია.
City M-ის დირექტორს გოჩა გვენეტაძის თქმით, „ვინდჰამ გრანდი“ მალე გაიხსნება და დედაქალაქის სტუმრებს მაღალი კლასის 161-ნომრიანი სასტუმრო მოემსახურება. რაც შეეხება „ვინდჰამის“ შემოსვლას, მან მოითხოვა შენობაში, კერძოდ შეხვედრების ოთახებსა და რესტორნებში გარკვეული ცვლილებების შეტანა, რაც City M-მა დააკმაყოფილა. საქართველოში ასეთი ქსელის შემოსვლა ქვეყნის მიმზიდველობისა და განსაკუთრებული პოტენციალის არსებობის კიდევ ერთი ნათელი დასტურია.
გვენეტაძემ ასევე აღნიშნა, რომ City M 2020 წლის ბოლოსთვის ქვეყნის ინფრასტრუქტურულ პროექტებში 70 ნილიონი დოლარის ინვესტიციის მოზიდვას აპირებს.
City M-ის დირექტორთა საბჭოს წარმომადგენლის, საქართველო-ისრაელის ბიზნეს პალატის პრეზიდენტის იციკ მოშეს განცხადებით, გუდიაშვილის ქუჩაზე მაღალი კლასის სასტუმროსთვის თავდაპირველად შეიქმნა 18 პროექტი, შემდეგ კი არჩევანი დღევანდელზე შეჩერდა. ის თანამედროვე ურთულესი ტექნოლოგიებით აშენდა, რაც საქართველოს რეალობაში თითქმის უპრეცედენტოა. მასზე დასაქმებულმა ადგილობრივმა მშენებლებმა მიიღეს უდიდესი გამოცდილება, რაც იმის წინაპირობაა, რომ მომავალში ასეთი ობიექტების ადგილობრივი რესურსით აშენდეს.
ხელმოწერის ცერემონიას ესწრებოდნენ ტურიზმის ადმინისტრაციის ხელმძღვანელი გიორგი ჩოგოვაძე და ეროვნული მუზეუმის დირექტორი დავით ლორთქიფანიძე.
გიორგი ჩოგოვაძის თქმით, სახელმწიფო ხელს უწყობს ნებისმიერ ახალ პროექტს, რომელიც ქვეყანაში შემოსულ ტურისტებს მაღალი დონის სერვისს მისცემს. ტურიზმი დიდ როლს თამაშობს ქვეყნის ეკონომიკის განვითარებაში, ისეთი პროექტი კი, როგორიც „ვინდჰამ გრანდის“ შენობაა, უნიკალურია და თბილისის მარგალიტი გახდება.
ეროვნული მუზეუმის დირექტორის დავით ლორთქიფანიძის განცხადებით, გუდიაშვილის ქუჩა, სადაც აღნიშნული შენობაა განთავსებული, განსაკუთრებულია. ეს არის მუზეუმების უბანი და ეროვნულ მუზეუმს „ვინდჰამ გრანდის“ შენობაში დაეთმო 3500 კვ მეტრის იზოლირებული ფართი, რომელსაც ეროვნული მუზეუმი დინამიურად გამოიყენებს. ეს პროექტი არის კერძო სექტორისა და სახელმწიფოს სანიმუშო თანამშრომლობის შედეგი.
ხელმოწერის ცერემონიას ესწრებოდნენ, აგრეთვე, ბიზნესის წარმომადგენლები, ქართული მედია და, საქართველოში სტუმრად მყოფი ისრაელელ არქიტექტორთა და ინჟინერთა ჯგუფი.