საქართველოში განადგურებული „ბოევიკები“ წუნდის ბანდიტურ დაჯგუფებაში შედიოდნენ, –– იუწყება „რია ნოვოსტი“. წყაროს ცნობით, შეიარაღებული დაჯგუფება, რომელთა წინააღმდეგ ქართველი ძალოვნები ბოლო რამდენიმე დღის განმავლობაში ოპერაციას ატარებდნენ, ქვეყნის ტერიტორიაზე სწორედ დაღესტნიდან შევიდა. მისი წევრები კი წუნდის ბანდიტურ დაჯგუფებაში შედიოდნენ. აღნიშნული ინფორმაცია სააგენტოს დაღესტნის სამართალდამცავ ორგანოებში ინფორმირებულმა წყარომ მიაწოდა.

„რია ნოვოსტი“ აქვე იტყობინება, რომ საქართველოს შინაგან საქმეთა სამინისტროს ინფორმაციით, სამართალდამცავებმა სპეცოპერაციის შედეგად საქართველო–რუსეთის საზღვართან 11 ბოევიკი გაანადგურეს, ექვსი დივერსანტი კი იძებნება.