უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
პოლიტიკა
საქართველოს პრეზიდენტმა მსოფლიო ჰუმანიტარული სამიტის მრგვალი მაგიდის მუშაობაში მიიღო მონაწილეობა
საქართველოს პრეზიდენტმა სტამბოლში მსოფლიო ჰუმანიტარული სამიტის ფარგლებში გამართულ მრგვალი მაგიდის მუშაობაში მიიღო მონაწილეობა, რომელიც "პოლიტიკური ლიდერები კონფლიქტების თავიდან აცილებისა და შეწყვეტისათვის" თემაზე გაიმართა.
პრეზიდენტის პრესსამსახურის ცნობით, ქვეყნის პირველმა პირმა ყურადღება გაამახვილა საქართველოს ოკუპირებულ ტერიტორიებზე არსებულ მდგომარეობაზე და რამდენიმე დღის წინ ხურჩაში დატრიალებულ ტრაგედიაზე.
"რამდენიმე დღის წინ საოკუპაციო ძალებმა სოფელ ხურჩაში, საქართველოს უდანაშაულო, შეუიარაღებელი, მშვიდობიანი მოქალაქე მოკლეს, სწორედ საოკუპაციო ხაზის გამშვებ პუნქტთან ახლოს.
ეს შემაძრწუნებელი ინციდენტი კიდევ ერთხელ უსვამს ხაზს ჩვენს ძირითად პოლიტიკურ პასუხისმგებლობას - დავდგეთ ერთად კონფლიქტების თავიდან აცილებისა და დასრულების მიზნით“,- მიმართა საქართველოს პრეზიდენტმა მრგვალი მაგიდის მონაწილეებს.
პრეზიდენტის განცხადებით, ძირითადი ვალდებულების თანახმად, საქართველო პირობას დებს გამოიყენოს ყველა არსებული ადრეული გაფრთხილების მექანიზმები, რათა თავიდან აიცილოს კონფლიქტი და მისი გავრცელება საქართველოს ტერიტორიაზე. ამ მხრივ, საქართველო გააგრძელებს ძალისხმევას ოკუპირებულ რეგიონებში საერთაშორისო მონიტორინგის უზრუნველყოფისთვის.
როგორც გიორგი მარგველაშვილმა მრგვალ მაგიდასთან დისკუსიაში განაცხადა, საქართველო ერთგული რჩება ჟენევის საერთაშორისო მოლაპარაკებების ფორმატის და განაგრძობს წვლილის შეტანას ინციდენტების პრევენციისა და მათზე რეაგირების მექანიზმის (IPRM) აღდგენის საკითხში.
მეორე, ძირითად ვალდებულებასთან მიმართებაში, პრეზიდენტმა განაცხადა, რომ საქართველო კვლავ რჩება კონფლიქტების მშვიდობიანად გადაწყვეტის ერთგული და კიდევ ერთხელ ადასტურებს მის ცალმხრივ ძალის გამოუყენებლობის ვალდებულებას, რომელიც თავდაპირველად 2010 წელს აიღო და რომელიც, საქართველოს პარლამენტმა 2013 წელს დაამტკიცა.
„საქართველო ხელს უწყობს რუსეთის ფედერაციას, რომ გადადგას შემხვედრი ნაბიჯი დაპირებაზე“, - აღნიშნა პრეზიდენტმა.
რაც შეეხება მესამე ვალდებულებას, გიორგი მარგველაშვილის განცხადებით, საქართველო პირობას კრიზისის პრევენციისა და გადაჭრის საკითხში პოლიტიკური მხარდაჭერა გაუწიოს საერთაშორისო ძალისხმევას.
„საქართველო ასევე აგრძელებს წვლილის შეტანას გლობალურ უსაფრთხოებაში და სტაბილურობაში, საერთაშორისო უსაფრთხოებისა და სამშვიდობო მისიებში მონაწილეობით.
როდესაც საქმე ეხება ინკლუზიური და მშვიდობიანი საზოგადოების განვითარებას, საქართველო ვალდებულებას იღებს გააძლიეროს ძალისხმევა კონფლიქტების შედეგად დაყოფილი მოსახლეობის შესარიგებლად და გააგრძელოს ვალდებულებისა და ნდობის გაძლიერების პოლიტიკა.
საქართველო, ასევე პირობას დებს შექმნას უსაფრთხო გარემო იძულებით გადაადგილებული პირებისათვის, როდესაც აღიარებს, რომ უმთავრეს მიზანს წარმოადგენს მათი ნებაყოფლობითი დაბრუნება მუდმივ საცხოვრებელ ადგილზე სტაბილური პირობების ქვეშ „-აღნიშნა საქართველოს პრეზიდენტმა.