პოლიტიკა

საქართველოს უნგრეთისგან სრული პოლიტიკური მხარდაჭერა აქვს - მიხეილ ჯანელიძე

საქართველოს საგარეო საქმეთა მინისტრი მიხეილ ჯანელიძე ამბასადორიალი 2016-ს ფარგლებში უნგრეთის საგარეო საქმეთა მინისტრ პტერ სიარტოს შეხვდა.

ორი ქვეყნის საგარეო საქმეთა მინისტრებმა ორ ქვეყანას შორის არსებულ ურთიერთობებზე, საქართველოს ევროატლანტიკურ მისწრაფებებსა და ქვეყანაში დაგეგმილ არჩევნებზე ისაუბრეს.

როგორც ჯანელიძემ შევხედრის დასრულების შემდეგ ჟურნალისტებს განუცხადა, საქართველოს უნგრეთისგან სრული მხარდაჭერა აქვს.

„რაც მთავარია, პოლიტიკური მხარდაჭერა ტერიტორიული მთლიანობის, სუვერენიტეტის საკითხებში. ასევე ევროპულ და ევროატლანტიკური ინტეგრაციის გზაზე, სადაც ყოველთვის ხმამაღლა უნგრეთი უჭერს საქართევლოს მხარს და უჭერს ძალიან სწრაფ ინტეგრაციას ორივე მიმართულებით. ასევე, ჩვენ გვაქვს მხარადჭერა უნგრეთის მხრიდან როგორც სადამკვირვებლო მისიაში ევროკავშირის, ასევე ნატოს პაკეტის იმპლემენტაციის პროცესში. ჩვენი ურთიერთობები საკმაოდ ღრმა და ყოვლისმომცველია და ჩვენ ძალიან ვაფასებთ ამ მეგობრობას და პარტნიორობას“,-განაცხადა ჯანელიძემ.