რეგიონები

`საქნახშირის GIG`-ის დირექტორის მოადგილე მეშახტეების გარდაცვალებას ჰაერის ტალღით მიყენებულ დაზიანებას უკავშირებს

"საქნახშირის GIG"-ის დირექტორის მოადგილე გია ქარქაშაძე აცხადებს, რომ შახტა გაუმართავი არ ყოფილა და წინასწარი ინფორმაციით მეშახტეების გარდაცვალება ჰაერის ტალღით მიყენებულმა დაზიანებამ გამოიწვია.

"ძალიან ცუდი საქმე დაგვემართა, ვუსამძიმრებ დაღუპულების ოჯახებს. ჩვენი წარმოება რისკის შემცველია, თქვენ იცით რომ ხშირად გვიხდება ასეთ თემებზე საუბარი. ჩვენი აზრით, არაფერი კვალი არ არის, რომ "სამთო დარტყმის" გარდა სხვა რაიმე ყოფილიყო. არ არის ისეთი შახტა, რომ გაუმაგრებელი ყოფილიყო. ეს არის ჰაერის ტალღით მიყენებული დაზიანება", - განაცხადა გია ქარქაშაძემ.

მისივე თქმით, წინასწარი დასკვნების გაკეთება ძნელია და საქმეზე ექსპერტები მუშაობენ.

ცირა გურგენიძე