ეკონომიკა

საქონლით ვაჭრობის მაჩვენებელი 2015 წელთან შედარებით 21 %-ით გაიზარდა - საქსტატი

სტატისტიკის ეროვნულმა სამსახურმა გამოაქვეყნა 2016 წლის საქართველოში საქონლით საგარეო ვაჭრობის წინასწარი შედეგები.

ანგარიშის თანახმად, წინა წელს მისმა ბრუნვამ (არადეკლარირებული ვაჭრობის გარეშე) 11985 მლნ. აშშ დოლარი შეადგინა, რაც წინა წლის მაჩვენებელზე 21 %-ით მეტია.

,,აქედან, ექსპორტი 2114 მლნ. აშშ დოლარი იყო (4 პროცენტით ნაკლები), ხოლო იმპორტი 9871 მლნ. აშშ დოლარი (28 პროცენტით მეტი). უარყოფითმა სავაჭრო ბალანსმა 2016 წელს 7757 მლნ. აშშ დოლარი და საგარეო სავაჭრო ბრუნვის 65 პროცენტი შეადგინა,“- ნათქვამია ინფორმაციაში.

აქვე, ყურადღება გამახვილებულია C ჰეპატიტის მედიკამენტების იმპორტზე. მის გარეშე იმპორტი შეადგენს 7252 მლნ. აშშ დოლარს და წინა წლის მაჩვენებელზე 0.4 პროცენტით ნაკლებია.

საქართველოს საგარეო ვაჭრობის დეტალური მონაცემები მიმდინარე წლის 20 იანვარს გამოქვეყნდება.

ანა მებურიშვილი