საზოგადოება

სარაგბო კლუბი „არმია“ თავდაცვის სამინისტროსთან აქციას მართავს - ისინი უწყებისგან დაფინანსების აღდგენას ითხოვენ

სარაგბო კლუბ „არმიას“ მორაგბეები თავდაცვის სამინისტროსთან აქციას მართავენ. დღეს გახდა ცნობილი, რომ უწყება კლუბის დაფინანსებას აღარ გააგრძელებს.

აქციის მონაწილეები ითხოვენ დაფინანსების გაგრძელებას. ისინი აღნიშნავენ, რომ კონტრაქტი მაისამდე იყო დადებული, ახლა კი იანვრიდან კონტრაქტის გარეშე დარჩნენ. სპორტსმენების თქმით, ისინი გუნდის გარეშე დარჩნენ სატრანსფერო ეტაპის დახურვის გამო, ასევე მოუწევთ ჩემპონატიდან გათიშვა.

კლუბის პრეზიდენტმა, ზოდიკო ფარქოსაძემ რუსთავი 2-თან საუბრისას განაცხადა, რომ კონტრაქტის შეჩერებასთან დაკავშირებით არანაირი ინფორმაცია არ მიუღია.

„ჩვენთვის არაფერი ცნობილი არ იყო ამდაგვარი და არც არანაირი წერილობითი მომართვა არ გაუვრცელებია ჩვენთვის და არც ჩავუყენებივართ საქმის კურსში. კონტრაქტი დადებული რომ იყო, მერე დაიწყო ამ გუნდის არა დაფინანსებაზე, არამედ სხვა უწყებაზე გადაცემაზე საუბარი. კერძო პირებიც იყვნენ იქ და ასევე, ერთ-ერთ სსიპ-ში უნდოდათ გადაყვანა, მაგრამ რეალურად, ეს არ განხორციელდა“, -თქვა ფარქოსაძემ.

ანა მებურიშვილი