სამართალი
სასამართლომ „ქართული მარშის“ ბრალდებულთაგან ხუთს აღკვეთის ღონისძიების სახით მისჯილი პატიმრობა გირაოთი შეუცვალა
თბილისის საქალაქო სასამართლომ „ქართული მარშის“ ბრალდებულთაგან ხუთს აღკვეთის ღონისძიების სახით მისჯილი პატიმრობა გირაოთი შეუცვალა, ორი კი პატიმრობაში დატოვა.
მოსამართლის გადაწყვეტილებით, პატიმრობაში დარჩნენ ლუკა ნაცვლიშვილი და გიორგი ონიანი, ხოლო მიხეილ ამისულაშვილი, ლადო სადღობელაშვილი, ირაკლი დოლენჯაშვილი, ოლეგ დანგაძე და ბექა რევაზიშვილი გირაოთი გათავისუფლდნენ.
გადაწყვეტილების გამოცხადებას სხდომათა დარბაზში ხმაური მოჰყვა. კერძოდ, მოსამართლის გადაწყვეტილებით უკმაყოფილო იყო ერთ-ერთი ბრალდებული გიორგი ონიანი, რომელიც მოსამართლემ კვლავ პატიმრობაში დატოვა.
საქმეზე პროცესი 19 ივნისს 12 :00 საათზე განახლდება.
შეგახსენებთ, რომ "რუსთავი 2"-თან პოლიციამ "ქართული მარშის" წევრები ხულიგნობის ბრალდებით 21 მარტს დააკავა. ისინი გიორგი გაბუნიას მიერ ეთერში გაკეთებულ რეპლიკას აპროტესტებდნენ.
ნინო ექვთიმიშვილი