მსოფლიო

სასაზღვრო-გამშვებ პუნქტ „შეგინში“ ჩატარებული აქციის ერთ-ერთი მონაწილის სახლში 1000-ზე მეტი ვაზნა და კალაშნიკოვის ავტომატი აღმოაჩინეს

უკრაინის ნაციონალური პოლიციის წარმომადგენლებმა სასაზღვრო-გამშვებ პუნქტ შეგინში 10 სექტემბერს ჩატარებული აქციის ერთ-ერთი მონაწილის სახლში კალაშნიკოვის ავტომატი და 1000-ზე მეტი ვაზნა აღმოაჩინეს. ინფორმაციას „Українські Новини“ ნაციონალური პოლიციის პრესსამსახურზე დაყრდნობით იუწყება.

„13 სექტემბერს პოლიციელებმა სანქცირებული ჩხრეკა ჩაატარეს სასაზღვრო-გამშვებ პუნქტ შეგინში ჩატარებული აქციის ერთ-ერთი მონაწილის სახლში და აღმოაჩინეს კალაშნიკოვის ავტომატი და 5.45 მილიმეტრიანი 790 ვაზნა და 7.62 მილიმეტრიანი 301 ვაზნა“, -ნათქვამია უწყების განცხადებაში.

აღმოჩენილი იარაღი და საბრძოლო მასალა ექსპერტიზაზეა გადაგზავნილია.

შეგახსენებთ, 10 სექტემბერს სასაზრვრო პუნქტ „შეგინის“ გავლით მიხეილ სააკაშვილი უკრაინაში დაბრუნდა. 12 სექტემბერს ლვოვში, სასტუმრო ლეოპოლისის წინ მან ხელი მოაწერა ადმინისტრაციულ სამართალდარღვევათა პროტოკოლს უკრაინის საზღვრის უკანონოდ გადაკვეთის შესახებ. სააკაშვილის საქმის სასამართლო განხილვა 18 სექტემბერს გაიმართება.

პროტოკოლია შედგენილი აქციაში მონაწილე კიდევ 69 პირის მიმართ.

ანა მებურიშვილი