უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
საზოგადოება
ოლიმპიურმა კომიტეტმა წლის საუკეთესო სპორტსმენები დააჯილდოვა
საქართველოს ეროვნულმა ოლიმპიურმა კომიტეტმა 2023 წლის საუკეთესო სპორტსმენები დააჯილდოვა. გამარჯვებულები ამავე კომიტეტის მიერ განსაზღვრულ ნომინაციებში გამოვლინდნენ. დაჯილდოების ცერემონია თბილისში, სასტუმრო „პულმან თბილისი აქსის თაუერსში“ გაიმართა.
სხვა სტუმრებთან ერთად, ღონისძიებას საქართველოს კულტურის, სპორტისა და ახალგაზრდობის მინისტრი თეა წულუკიანი ესწრებოდა.
დამსწრე საზოგადოებას მისასალმებელი სიტყვით მიმართა სეოკ-ის პრეზიდენტმა ლერი ხაბელოვმა.
გამარჯვებულები შემდეგ ნომინაციებში გამოვლინდნენ:
1. 2023 წლის აღმოჩენა -- „ოლიმპიური იმედი“ (გოგონა) -- მარიამ რაგიმოვი. ის არის ბატუტზე ხტომაში მსოფლიოს ჩემპიონატის ბრინჯაოს პრიზიორი, ასევე ახალგაზრდებში მსოფლიოს ჩემპიონატის ვერცხლის პრიზიორი, ყველაზე ახალგაზრდა მონაწილე წლევანდელ მსოფლიოს ჩემპიონატზე;
2. 2023 წლის აღმოჩენა -- „ოლიმპიური იმედი“ (ვაჟი) -- გიორგი თოხაძე, რომელიც ბერძნულ-რომაული სტილით ჭიდაობაში 23-წლამდელთა შორის მსოფლიოს ჩემპიონია;
3. 2023 წლის საუკეთესო სპორტული გუნდი -- საქართველოს ძიუდოს ქალთა და ვაჟთა შერეული ნაკრები გუნდი -- 2023 წლის მსოფლიოს გუნდური ჩემპიონატის ბრინჯაოს პრიზიორი, ევროპისა და მესამე ევროპული თამაშების ჩემპიონი;
4. 2023 წლის საქართველოს საუკეთესო სპორტსმენი სპორტის სათამაშო სახეობებში -- თორნიკე შენგელია -- საქართველოს საკალათბურთო ნაკრების კაპიტანი;
5. 2023 წლის საქართველოს საუკეთესო სპორტსმენი ქალი -- ანასტასია გუბანოვა -- ფიგურულ ციგურაობაში 2023 წლის ევროპის ჩემპიონი;
6. 2023 წლის საქართველოს საუკეთესო მწვრთნელი -- ლაშა გუჯეჯიანი, რომელიც საქართველოს ძიუდოს ეროვნული ნაკრების მთავარი მწვრთნელია;
7. ოლიმპიურ თამაშებზე, მსოფლიოსა და ევროპის ჩემპიონატებზე, ევროპულ თამაშებზე სტაბილურად ნაჩვენები მაღალი სპორტული შედეგებისთვის დაჯილდოვდა სანდრო ბაზაძე -- 2023 წლის მსოფლიოს ჩემპიონატის ვერცხლის პრიზიორი, მესამე ევროპული თამაშების ჩემპიონი, მსოფლიო თასის მრავალგზის გამარჯვებული და პრიზიორი, მსოფლიოს საუკეთესო ხმლით მოფარიკავე;
8. 2023 წლის საქართველოს საუკეთესო სპორტსმენად კი ძალოსანი ლაშა ტალახაძე დასახელდა. ის არის ორგზის ოლიმპიური ჩემპიონი, შვიდგზის მსოფლიოსა და ასევე შვიდგზის ევროპის ჩემპიონი, ოლიმპიური და მსოფლიოს რეკორდსმენი. ლაშა ტალახაძეს საქართველოს საუკეთესო სპორტსმენის ტიტული მეშვიდედ ერგო. მას ასევე გადაეცა ევროპის ოლიმპიური კომიტეტების სპეციალური ჯილდო;
9. ქართული სპორტის სიამაყე გახდა ლეგენდარული ტყვიის მსროლელი ნინო სალუქვაძე -- ოლიმპიური თამაშების ოქროს, ვერცხლის და ბრინჯაოს მედლის მფლობელი, მსოფლიოს და ევროპის ჩემპიონი, მრავალი საერთაშორისო ტურნირის გამარჯვებული, 9 ოლიმპიური თამაშის მონაწილე. მან ამავე თამაშებზე მონაწილეობის ლიცენზია მეათედაც მოიპოვა;
10. ქართულ სპორტულ ჟურნალისტიკაში შეტანილი განსაკუთრებული წვლილისათვის პრიზი გადაეცა დამსახურებულ სპორტულ ჟურმალისტ დავით ქლიბაძეს;
11. ოლიმპიური სპორტის მთავარ მხარდამჭერად კი საქართველოს ბანკი დასახელდა.