კომენტარი

სასტუმრო „ბუდაპეშტი“ აშენდება კანონის ყველა მოთხოვნის დაცვით - გოგა ზაქაიძე

"სასტუმრო „ბუდაპეშტი“ აშენდება კანონის ყველა მოთხოვნის დაცვით," - ეს განცხადება სასტუმრო „ბუდაპეშტის“ დამფუძნებელმა, გოგა ზაქაიძემ თბილისის მერის საპასუხოდ გააკეთა.

„ქალაქის მერი გამოდის და აკეთებს განცხადებას, რომ ის გადაწყვეტილება, რომელიც სასამართლომ მიიღო და განჩინება ვერ აღესრულება. იქიდან გამომდინარე, რომ მოსახლეობის რაღაც გარკვეული ნაწილი არის კერძო საკუთრების აშენების წინააღმდეგი, ქალაქის მერი აძლევს თავის თავს უფლებას, რომ ჩვენ აგვიკრძალოს იქ მშენებლობა, სადაც ჩვენ გვეკუთვნის კანონით, რაც დაამტკიცა სასამართლომ.
ჩვენ ეს ტერიტორია შევიძინეთ კანონიერად, რაც სასამართლომ დაამტკიცა. ჩვენ ტერიტორიაზე მშენებლობის ნებართვა მივიღეთ კანონიერად და ახლა ხელმეორედ სასამართლომ დაავალა და მოგვცა ისევ მშენებლობის ნებართვა.

არც ერთი ხის მოჭრა იქ არ ხდება, არც ერთი გზის გაყვანა, არც ერთი კომუნიკაციისთვის რაღაცის გათხრა იქ არ ხდება,“ - განაცხადა გოგა ზაქაიძემ.

თბილისის მერის მოადგილემ, მაია ბითაძემ განაცხადა, რომ თბილისის მერია ყველა ბერკეტს გამოიყენებს, რათა ვაკის პარკში სასტუმროს მშენებლობა არ დაუშვას.