კომენტარი

სასურველია, რომ შინაგან საქმეთა მინისტრი პარლამენტში გამოცხადდეს - ირმა ინაშვილი

„პატრიოტთა ალიანსის“ ლიდერის თქმით, მინისტრებს უნდა ესმოდეთ, რომ საპარლამენტო მოდელის მქონე ქვეყანაში ისინი ვალდებულები არიან საკანონმდებლო ორგანოს ანგარიში ხშირად ჩააბარონ.

რაც შეეხება, ნუცუბიძის პლატოზე მომხდარ ინციდენტს, რა დროსაც ადმინისტრაციული წესით დაკავების დროს 33 წლის პაატა პავლიაშვილი გარდაიცვალა, ირმა ინაშვილის აზრით, სასურველია, რომ გიორგი მღებრიშვილი მივიდეს პარლამენტში.

„მინისტრებს უნდა ესმოდეთ, რომ როდესაც არსებობს ქვეყანაში საპარლამენტო მოდელი, ისინი ვალდებული არიან პარლამენტში ხშირად მივიდნენ და ხშირად მოხდეს ანგარიშის ჩაბარება პარლამენტის წევრებისთვის.

ამ კონკრეტულ შემთხვევაშიც სასურველია შინაგან საქმეთა მინისტრი გამოცხადდეს პარლამენტში“,-აღნიშნა პოლიტიკოსმა.

მონიკა დავლიანიძე