უკან
საზოგადოება
30 იანვარი, 2017 17:15
საცავები, სადაც ოქრო-ვერცხლია შენახული, დაზიანებული არ არის - ლაშა აბაშიძე
,,ბავშვთა სამყაროს’’ ტერიტორიაზე საცავები, სადაც ოქრო-ვერცხლია შენახული, დაზიანებული არ არის, - განუცხადა ჟურნალისტებს თბილისის ვიცე-მერმა, ლაშა აბაშიძემ.
მისი თქმით, ტერიტორია, სადაც საცავებია განთავსებული, სპეციალურმა ჯგუფმა შეამოწმა.
აბაშიძის ინფორმაციით, ელოდებიან ექსპერტთა მეორე ჯგუფს, რომელიც დაადგენს, თუ როგორ შეიძლება მოხდეს შენობიდან ნივთების უსაფრთხოდ გამოტანა.
„შესული იყო ჯგუფი, რომელმაც დაათვალიერა ყველაზე ფასეული ოქრო-ვერცხლი. ჯგუფმა დაადასტურა, რომ სეიფები, სადაც ეს ნივთებია შენახული, არ არის დაზიანებული.ახლა შევა მეორე ჯგუფი და გადაწყდება, თუ როგორ უნდა მოხდეს ამ ყველაფრის გამოტანა“, - განაცხადა ლაშა აბაშიძემ.
ნინო ექვთიმიშვილი