უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
საუბარი იყო იმაზე, თუ როგორ უნდა აღუდგეს წინ ცივილიზებული სამყარო რუსეთის აგრესიულ მისწრაფებებს - გიორგი კანდელაკი
„ევროპული საქართველოს“ წევრის, გიორგი კანდელაკის განცხადებით, ნატოს საპარლამენტო ასამბლეის თავდაცვისა და უშიშროების კომიტეტზე ერთ-ერთი განსახილველი თემა რუსეთის 2008 წლის აგრესია იყო.
კანდელაკმა აღნიშნა, რომ ყურადღება გაამახვილეს არა მარტო რუსეთის სამხედრო ინტერვენციაზე, არამედ მისი პროპაგანდის საფრთხეებზე.
„საუბარი იყო, რომ 2008 წლის რუსეთის აგრესია იყო არა რაღაც ანომალია, არამედ რაღაც დიდი პრობლემის ნაწილი, რომელიც მდგომარეობს რუსეთის მიდგომაში მეზობლების მიმართ და მის სურვილში, უკან დაატრიალოს ცივი ომის შედეგები. საუბარი იყო იმაზე, თუ როგორ უნდა აღუდგეს წინ ცივილიზებული სამყარო რუსეთის აგრესიულ მისწრაფებებს, იქნება ეს საქართველოში, უკრაინაში თუ ბალტიის ქვეყნებში და ამ შემთხვევაში, როგორ უნდა დაეხმარონ და გვერდში დაუდგნენ საქართველოს, რომ არ მოხდეს საქართველოს შიგნით პრორუსული ძალების გაძლიერება და არ მოხდეს ჩვენი საზოგადოებრივი აზრის, კონსენსუსის შესუსტება და შერყევა, რასაც ასე დაჟინებით ცდილობენ პრორუსული ძალები“, - განაცხადა კანდელაკმა.
შეგახსენებთ, გუშინ დაიწყო ნატოს საპარლამენტო ასამბლეის საგაზაფხულო სესია, რომელიც 29 მაისის ჩათვლით გაგრძელდება.
ანა მებურიშვილი