კომენტარი

საუბრობთ, თურმე ქონებები მაქვს და არ ვარეგისტრირებ, ამ ინტრიგაში ვერ აგყვებით - გია ვოლსკი

ბიძინა ივანიშვილს პოლიტიკურ მოვლენებთან კავშირი არ აქვს. ბიძინა ივანიშვილისგან გინდათ, ადამიანი შექმნათ, რომელსაც რაღაც საიდუმლო ძაფები უკავია ხელში, - ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.

„სინამდვილეში, ეს არის ადამიანი, ვისაც აქვს სიკეთეების უშველებელი ჩამონათვალი, რაც ქვეყნისთვის გააკეთა. სხვა ნიშნით მისი დახასიათება არ შეიძლება. გინდათ, ჩვენი გუნდის ნებისმიერ წევრს ტალახი მოსცხოთ, რომ ბიძინა ივანიშვილზე გახვიდეთ. საუბრობთ, თურმე ქონებები მაქვს და არ ვარეგისტრირებ, ამ ინტრიგაში ვერ აგყვებით. სახელმწიფოს ინტერესი აქვს, რომ საერთაშორისო თანამეგობრობასთან პირნათელი იყოს. პირნათელი რომ არის, ეს გამოჩნდა და ამან ისტერიკაში ჩააგდო მედიასაშუალებები. ამ ისტერიკის გადაფარვა იმით უნდათ, რომ ფარცხალაძე სანქცირებულთა რიგებში აღმოჩნდა. ეს არის ხავსი, რომელსაც მოეჭიდეთ, მაგრამ არ მგონია, გაგიმართლოთ“, – განაცხადა გია ვოლსკიმ.

შეგახსენებთ, აშშ-ის სახელმწიფო დეპარტამენტმა ოთარ ფარცხალაძის დასანქცირების შესახებ განცხადება გუშინ გაავრცელა.