მსოფლიო

საუდის არაბეთში ქალებმა გამომძიებლად მუშაობის უფლება მიიღეს

საუდის არაბეთის გენერალური პროკურატურა გამომძიებლის პოსტის დასაკავებლად ქალებისთვის კონკურსს აცხადებს. ინფორმაცია ამის შესახებ Arabnews-მა გაავრცელა.

კონკურსში მონაწილეობას მხოლოდ საუდის არაბეთის მოქალაქეობის და უმაღლესი განათლების მქონე ქალები შეძლებენ. გასაუბრების გარდა, კონკურსანტებმა ტესტები უნდა ჩააბარონ და ფიზიკური მომზადება გაიარონ.

საუდის არაბეთის საპასპორტო დეპარტამენტმა განაცხადა, რომ აეროპორტებსა და სასაზღვრო გადაკვეთებზე ქალებისთვის გამოცხადებულ 140 ვაკანტურ თანამდებობაზე 107 000 განაცხადი უკვე მიიღო.

შეგახსენებთ, რომ თებერვლის დასაწყისში საუდის არაბეთში ქალებს კვების ობიექტებში მუშაობის უფლება მისცეს.

2017 წლის 26 სექტემბერს კი საუდის არაბეთის მეფე სალმანმა განაცხად, რომ 2018 წლის ივნისიდან ქალები მართვის მოწმებების მიღებას და ავტომანქანების კანონიერად მართვას შეძლებენ.

ცირა გურგენიძე