უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
სავარაუდოდ , ლიკვიდირების გეგმაში დეკანოზი გიორგი მამალაძე ერთადერთი ფიგურანტი არ იყო - ირაკლი მამალაძე
ორი არჩევანი მქონდა პირადად მე, ან უნდა ვყოფილიყავი დანაშაულში ან უნდა მემხილებინა ადამიანები, რომლებიც გეგმავდნენ უმძიმეს დანაშაულს, - აცხადებს ჟურნალისტი, ირაკლი მამალაძე, რომელიც მაღალი იერარქიის სასულიერი პირის მკვლელობის მცდელობის საქმეზე პროკურატურის მთავარ მოწმედ სახელდება.
ჟურნალისტი ირაკლი მამალაძე აცხადებს, რომ გამოძიებას ბევრი მტკიცებულება აქვს და ის ამ მტკიცებულებების მოპოვებაში სახელმწიფო ბრალდებას ეხმარებოდა.
„რაც გავაკეთე, მინდა ვთქვა მთელი პასუხისმგებლობით, რომ მე მოვიქეცი როგორც კანონიერი მოქალაქე და მე ასე ვთქვათ ვითანამშრომლე გამოძიებასთან იქედან გამომდინარე, რომ საქმე გვქონდა უმძიმეს დანაშაულთან, რომლის აღკვეთა საბედნიეროდ მოხერხდა როგორც აცხადებენ. ორი არჩევანი მქონდა პირადად მე, ან უნდა ვყოფილიყავი დანაშაულში ან უნდა მემხილებინა ადამიანები, რომლებიც გეგმავდნენ უმძიმეს დანაშაულს,“-აცხადებს მამალაძე.
მისივე თქმით, სავარაუდოდ, ლიკვიდირების გეგმაში მამა გიორგი მამალაძე ერთადერთი ფიგურანტი არ იყო.
,,ეს გამოძიებამ უნდა გამოკვეთოს რა თქმა უნდა. მხოლოდ ერთი ადამიანის გახურებულ თავში ეს სიბინძურე არ მოიხარშებოდა და ამის უკან რა თქმა უნდა, სავარაუდოდ, დგანან ადამიანები. არის უამრავი მტკიცებულება, არის ვიდეო და აუდიო ჩანაწერები, როგორც თქვეს და დაელოდოს საზოგადოება. თუ ასე ძალიან აინტერესებს საზოგადოების რომელიღაც ნაწილს თუ რა მოხდა, რა მტკიცებულებები აქვს პროკურატურას, მე ვფიქრობ უნდა შექმნან რაღაცა ჯგუფი, მოითხოვონ პროკურატურაში შესვლა და ნახონ ეს ჩანაწერები, თუ ეს არ გასაჯაროვდება. ძალიან ბევრ მტკიცებულებაზეა საუბარი, არა მარტო აუდიო და ვიდეო ჩანაწერებზე. საკმაოდ ბევრ მტკიცებულებებზეა საუბარი მინდა გითხრათ და ამას გამოძიება თვითონ იტყვის.
ის ადამიანები, რომლებიც მე დღეს ასე საჯაროდ მლანძღავენ, მიპირისპირდებიან, მინდა მათ ვუთხრა რომ აუცილებლად შერცხვებათ მას შემდეგ რაც გამოძიება დადებს ფაქტს. თავიანთი თავების შერცხვებათ და მაშინ მათ ეძინათ, ქართველმა სამართალდამცავებმა აღკვეთეს უმძიმესი დანაშაული საქართველოში და გადაარჩინეს ქვეყანა იმ უბედურებას რაც იგეგმებოდა.
არ ვიცი მე სავარაუდოდ ვისი მოკვლა იგეგმებოდა და ლიკვიდაცია, მე არ ვიცი. გამოვიდეს დუმილის უფლებას ვინც იყენებს და თქვას: სად მიდიოდა, რა მიჰქონდა, რატომ მიჰქონდა და ვინ იდგა მის უკან,“- განაცხადა ირაკლი მამალაძემ რუსთავი 2-თან საუბარში.
ნინო ექვთიმიშვილი