საზოგადოება

სავარაუდოდ, მოხდა კიბერშეტევა თურქულ სასაზღვრო პროგრამაზე - ზურაბ პატარაძე

აჭარის მთავრობის თავმჯდომარის ზურაბ პატარაძის განცხადებით, სარფის გამშვებ პუნქტზე შექმნილი შეფერხება, სავარაუდოდ, თურქულ სასაზღვრო პროგრამაზე მიტანილ კიბერშეტევას უკავშირდება.

ამის შესახებ პატარაძის მედიას სარფში განუცხადა, სადაც თურქეთის გენერალურ კონსულთან ერთად იმყოფებოდა.

„სავარაუდოდ, მოხდა კიბერ შეტევა თურქულ სასაზღვრო პროგრამაზე. ვფიქრობ, რომ უახლოეს პერიოდში ეს პრობლემა გადაწყდება. დღეს, სარფში მიმდინარეობს ორი მიმართლებით მუშაობა. პირველ რიგში, რაც შეიძლება სწრაფად აღდგეს ეს პროგრამა, მეორე რიგში- დროულად მოხდეს ჩვენი ხალხის გამოტარება. ეს პრობლემა არ არის მხოლოდ სარფის საბაჟო პუნქტზე. ანალოგიური პრობლემები არის ყველა საზღვარზე, მათ შორის საერთაშორისო აეროპორტებში. ეს არის სისტემური პრობლემა მთელი თურქეთის ტერიტორიაზე,“- აღნიშნა პატარაძემ.

მონიკა დავლიანიძე