კომენტარი
საზოგადოებას უთხრან, მომდევნო თვეების განმავლობაში როგორ აპირებენ ამ რამდენიმე ათეული მილიონის გადახდას ბიუჯეტში - არჩილ თალაკვაძე ,,ომეგა ჯგუფზე“
დღესვე თქვენმა მფლობელებმა გამოაქვეყნონ ეს გეგმა და საზოგადოებას უთხრან, მომდევნო თვეების განმავლობაში როგორ აპირებენ ამ რამდენიმე ათეული მილიონის გადახდას ბიუჯეტში, - განაცხადა საპარლამენტო უმრავლესობის ლიდერმა, არჩილ თალაკვაძემ ტელეკომპანია ,,იბერიის“ იმ კითხვის საპასუხოდ, თუ რატომ არ შეიკრიბა ფინანსთა სამინისტროში კანონით გაწერილი 2 თვის ვადაში რესტრუქტურიზაციის საბჭო, რომელსაც ,,ომეგა ჯგუფისთვის“ საგადასახადო დავალიანების საკითხი უნდა განეხილა.
უმრავლესობის ლიდერმა თემის კომენტირებისას კონკრეტული პასუხი არ გასცა და აღნიშნა, რომ მოქმედი ხელისუფლების პირობებში მედია თავისუფალია სამთავრობო წნეხისგან.
,,მე მაქვს ერთი მთავარი ინფორმაცია. ეს მთავარი ინფორმაცია არის ის, რომ მედია დღეს საქართველოში არ არის კონტროლირებული ხელისუფლების მხრიდან“, - განაცხადა არჩილ თალაკვაძემ.
რაც შეეხება კითხვას, რატომ მოხდა ყაზტრანგაზის შემთხვევაში 100-მილიონიანი საგადასახადო დავალიანების ჩამოწერა, თალაკვაძე პასუხობს, რომ აღნიშნულზე ინფორმაციას არ ფლობს.