უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
საზოგადოებრივ მაუწყებელთან არხიდან გათავისუფლებული ლაშა მესხის მხარდამჭერი აქცია გაიმართა
საზოგადოებრივი მაუწყებლის შენობის წინ „მოამბის“ გათავისუფლებული ჟურნალისტისა და საქართველოს მედიის პროფესიული კავშირის თავმჯდომარის ლაშა მესხის მხარდასაჭერი აქცია გაიმართა. მასში მონაწილეობა მიიღეს ჟურნალისტებმა და მაუწყებელში მოქმედმა ორმა პროფკავშირმა. პროტესტს შეუერთდნენ რკინიგზელთა პროფკავშირის წევრებიც.
აქციის მონაწილეები ლაშა მესხის გათავისუფლება დევნად შეაფასეს და აღმასრულებელ საბჭოს ორდრიანი ვადა მისცეს ჟურნალისტის სამსახურში აღსადგენად.
„პატივცემულო ბორდის წევრებო, გთხოვთ, ადეკვატური შეფასება მისცეთ მაუწყებლის შიგნით მომხდარ პროფესიული და პროფკავშირული ნიშნით დევნის ფაქტს. ორი დღის შემდეგ, თუ აღნიშნული უსაფუძვლო გადაწყვეტილება არ შეიცვალა, ჩვენ გამოვიყენებთ ყველანაირ სამართლებრივ და საპროტესტო ფორმას ლასა მესხის უფლებების დასაცავად“, - განაცხადა არხის თაანმშრომელმა ემზარ ლაბუჩიძემ , რომელმაც მესხის მხარდამჭერთა მიმართვა წაიკითხა.
საზოგადოებრივი მაუწყებლის პირველადი პროფკავშირის თავმჯდომარის, დოდო შონავას თქმით, არხზე ახალი მენეჯმენტის პოზიციის გამო შეიძლება გაუარესდეს იქ დასაქმებულთა სამუშაო პირობები.
„საზოგადოებრივ მაუწყებელში მოქმედი ორი პროფკავშირი გაერთიანებული ვართ, რათა დავიცვათ ჩვენი თანამშრომლების პროფესიული უფლებები, რადგანაც ახალი მენეჯმენტისა და აღმასრულებელი საბჭოს ყველა პრეზენტაცია, განცხადება და გეგმა ცხადყოფს, რომ ისინი აპირებენ ჩვენი თანამშრომლების პროფესიული უფლებები მასიურად დაარღვიონ“, - განაცხადა შონავამ.
შეგახსენებთ, რომ გასულ თვეს ლასა მესხმა განაცხადა, რომ საზოგადოებრივმა მაუწყებელმა “მოამბის” 13 ჟურნალისტს თებერვალში ერთთვიანი კონტრაქტები შესთავაზა. გუშინ კი ჟურნალისტმა საკუთარ ფეისბუკის გვერდზე განაცხადა, რომ ის ერთადერთია იმ 13 ჟურნალისტიდან, რომელთანაც ტელევიზიამ ხელშეკრულება აღარ გააგრძელა. ის ვარაუდობს, რომ მენეჯმენტის გადაწყვეტილება მის პროფკავშირულ საქმიანობას ეხება.
ანა მებურიშვილი