საზოგადოება

საზოგადოებრივი მაუწყებლის ყველა გადაცემა გააგრძელებს ფუნქციონირებას ახალი სეზონის დაწყებამდე - სულხან სულაძე

ფონდმა „ღია საზოგადოება - საქართველო“ და კოალიციამ „მედიის ადვოკატირებისათვის” კონფერენცია გამართეს „საზოგადოებრივ მაუწყებელში“ მიმდინარე პროცესებთან დაკავშირებით.

არხის სამეთვალყურეო საბჭოს წევრმა, სულხან სალაძემ ჟურნალისტებთან განაცხადა, რომ მენეჯმენტის მიერ წარდგენილი სისტემა, რომელიც გადაცემების დახურვა-დატოვებას მათი რეიტინგების მიხედვით გულისხმობს, აღარ იმუშავებს.

სულაძის თქმით, მიმდინარე ბადე იქნება შენარჩუნებული ახალი სეზონის დაწყებამდე, მანამდე კი მენეჯმენტმა უნდა გამოაცხადოს კონკურსი, სადაც ახალი გადაცემების იდეები იქნება წარდგენილი.

„საუბარია გარკვეულ ცვლილებებზე, მაგრამ, ცხადია, ძირითადი მიმართულებაა, რომ 17 ივლისის ჩათვლით მიმდინარე ბადე ბოლომდე იქნება გათვალისწინებული და ყველა გადაცემა გააგრძელებს ფუნქციონირებას. პარალელურად მენეჯმენტი საუბრობს იმაზე, რომ გამოაცხადებს კონკურსებს და ყველა დაინტერესებულ ჯგუფს, საზოგადოებრივ მაუწყებელსა თუ გარეთ, შესაბამისი სპეციფიკის გათვალისწინებით, შესაძლებლობა ექნება, მონაწილეობა მიიღონ ამ კონკურსში“, - განაცხადა სულაძემ.

ანა მებურიშვილი