უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
საზოგადოება
საზოგადოებრივი მაუწყებელი აცხადებს კონკურსს სატელევიზიო დოკუმენტური ფილმების გადასაღებად
საზოგადოებრივი მაუწყებელი აცხადებს კონკურსს სატელევიზიო დოკუმენტური ფილმების გადასაღებად პროექტისათვის „ტელებლოგი".
ახალი სატელევიზიო სეზონიდან პროექტი „ტელებლოგი" კვირაში ერთხელ, ყოველ შაბათს, 20:30 საათზე გავა ეთერში. „ტელებლოგის“ ავტორები შეიძლება იყვნენ ჟურნალისტები, ან ტელერეჟისორები, რომლებსაც აქვთ სურვილი აქტუალურ თემებზე მოამზადონ ფილმები, ქრონომეტრაჟით - 26 წუთი.
კონკურსში გამარჯვებულ ავტორს (ჟურნალისტს, ან რეჟისორს) გადაღებისთვის ეძლევა 6 სამუშაო დღე, სამონტაჟოდ ასევე - 6 სამუშაო დღე. გადაღებების გეგმა ამ ვადების გათვალისწინებით უნდა იყოს წარმოდგენილი.
საზოგადოებრივი მაუწყებელი ავტორებს კონკურსში მონაწილეობისათვის სთავაზობს თემატიკას, რომლის მიხედვით უნდა იქნეს წარმოდგენილი განაცხადები ფილმის გადასაღებად:
● საქართველოს რეგიონების პრობლემები
● მთიანი, სასაზღვრო და კონფლიქტური რეგიონების პრობლემები
● შეზღუდული შესაძლებლობის მქონე პირები და საზოგადოებასთან მათი ინტეგრირების საკითხები
● გენდერული პრობლემები. ქალთა უფლებები
● ბავშვთა უფლებები
● ადამიანის უფლებები
● მომხმარებელთა უფლებები
● მედია და მედიის პრობლემები (რეგიონული მედია)
● კულტურის პოლიტიკის საკითხები
● კულტურული მემკვიდრეობის საკითხები და პრობლემები ამ სფეროში
● კულტურული ცხოვრება რეგიონებში (რეგიონული თეატრები, კინო რეგიონში და ა.შ.)
● თანამედროვე ხელოვნება
● ჯანდაცვისა და სოციალური დაცვის საკითხები და ამ სფეროში არსებული პრობლემები
● სტუდენტური ცხოვრება
● განათლების სისტემის პრობლემები
● ინკლუზიური განათლება
● ისტორია და თანამედროვეობა
● ეთნიკური უმცირესობები და მათი პრობლემები
● რელიგიური უმცირესობები და მათი უფლებები
● ცხოველთა უფლებები
● ქალაქის კეთილმოწყობა, გამწვანება, არქიტექტურა
● სხვადასხვა პრობლემის მქონე ადამიანების ისტორიები
● დევნილების მდგომარეობა საქართველოში
წარმოდგენილი თემატიკის გარდა, კონკურსში მონაწილეებს შეუძლიათ საზოგადოებრივ მაუწყებელს შესთავაზონ სხვა აქტუალური, საინტერესო თემები, რომლებიც ასევე იქნება განხილული კომისიის მიერ.
კონკურსში მონაწილეობა შეუძლია ყველა მსურველს, რომელთაც გააჩნიათ ამ ტიპის ფილმებზე მუშაობის გამოცდილება. დაინტერესებულმა პირებმა ელექტრონული ფოსტის მისამართზე blog@gpb.ge უნდა გამოაგზავნონ შემდეგი მასალები:
1. შევსებული აპლიკაცია, რომლის ჩამოტვირთვაც შეგიძლიათ შემდეგი ბმულის საშუალებით.
2. რეზიუმე / ავტობიოგრაფია
3. ფილმის მოკლე სინოფსისი (ერთ გვერდზე) და გადაღების გეგმა, რომელიც გაწერილი უნდა იყოს 6 დღეზე (წარმოდგენილ მოკლე სინოფსისში აღწერილი უნდა იყოს რა კონკრეტულ ფაქტებსა და მოვლენებზე იქნება საუბარი ფილმში, ვინ იქნებიან ფილმის გმირები, სად მოხდება ფილმის გადაღებები. თითოეული თემის ირგვლივ შესაძლებელია ერთი კონკრეტული ამბის ან ისტორიის არჩევა და განზოგადება).
აპლიკანტმა უნდა გამოაგზავნოს ყველა მოთხოვნილი დოკუმენტი ერთიანად, წინააღმდეგ შემთხვევაში მათი განაცხადი არ განიხილება. დოკუმენტებს თან უნდა დაერთოს აპლიკანტის მიერ წინა პერიოდში გადაღებული ფილმი (დიკსზე, ან მითითებული ბმულის საშუალებით).
აპლიკანტს შეუძლია განაცხადი წარმოადგინოს ერთ, ან რამდენიმე ფილმზე. გამარჯვებულ კონკურსანტთან ხელშეკრულება გაფორმდება ერთჯერადად, ერთი ფილმის გადაღებაზე. ფილმის ბიუჯეტი და ჰონორარი განისაზღვრება საზოგადოებრივი მაუწყებლის მიერ.
შეფასების კრიტერიუმები:
1. წარმოდგენილი თემის აქტუალობა
2. მომავალი ფილმის მხტვრული მხარის შეფასება წარმოდგენილი სინოფსისისა და გეგმის მიხედვით
3. საწარმოო შესაძლებლობების შეფასება
განაცხადების მიღება შესაძლებელია 5 სექტემბრამდე.
კონკურსის შედეგები გამოცხადდება ერთი კვირის ვადაში.
დამატებითი ინფორმაციისთვის დაგვიკავშირდით: 2 40 94 77.