უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
რეგიონები
სემეკი და ენერგოომბუდსმენი გაზის გაზრდილი გადასახადების შესასწავლად გორში ჩავლენ
გორში „საქგორგაზის“ სერვის-ცენტრთან გამართული საპროტესტო აქციის გამო სემეკმა განცხადება გაავრცელა. ენერგეტიკისა და წყალმომარაგების მარეგულირებელი ეროვნული კომისიის ინფორმაციით, გაზის გადასახადებთან დაკავშირებით მან მოკვლევა დაიწყო.
დღეს სემეკის წარმომადგენლები და ენერგოომბუდსმენი გორში ჩავლენ და ვითარებას ადგილზე გაეცნობიან.
„კომისია ყოველთვის გამოთქვამს მზადყოფნას, რომ დაიცვას მომხმარებელთა უფლებები“,- აღნიშნულია სემეკის განცხადებაში.
გორელების ნაწილი დეკემბერში მისულ გაზის გაორმაგებულ გადასახადებს სოკარის გორის ოფისთან გუშინ აპროტესტებდა. უკმაყოფილოთა ნაწილი შენობაში შეიჭრა.
აქციები 30 დეკემბერს დაიწყო. მოსახლეობის ნაწილი ეჭვობს, რომ გადასახადები ხელოვნურადაა გაზრდილი.
თავად სოკარის გორის სერვის ცენტრის რეგიონალური ოფისის მენეჯერმა, გიგა გრიგალაშვილმა ბრალდებებს უსაფუძვლო უწოდა და მაღალ გადასახადები გაზის ტარიფის 0,46-დან 0.57-მდე გაზრდასა და ტემპერატურის დაცემას დაუკავშირა.
„საქგორგაზთან“ შეკრებილებმა გრიგოლაშვილის საპასუხოდ განაცხადეს, რომ გაორმაგებულ გადასახადს არანაირი რეალური საფუძველი არ გააჩნია. აქციის მონაწილეებმა ენერგოომბუდსმენსაც მიმართეს. სალომე ვარდიაშვილთან შეხვედრა გორის დემოკრატიული ჩართულობის ცენტრში დღეს იგეგმება.