უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
ეკონომიკა
სემეკმა 4 კომპანიას ელექტროენერგიის წარმოების 2017 წლის ტარიფები შეუმცირა
სემეკმა ოთხ კომპანიას ელექტროენერგიის წარმოების 2017 წლის ტარიფები შეუმცირა.
გადაწყვეტილება სემეკის დღევანდელ სხდომაზე იქნა მიიღებული.
კერძოდ, „საქართველოს საერთაშორისო ენერგეტიკული კორპორაციისთვის“ აქამდე მოქმედი ტარიფი 14.234 თეთრი/კვტ. სთ შეადგენდა (თბილსრესის N3, 4 ბლოკები) . დღეს კი სემეკმა კომპანიას 2017 წლის ბოლომდე 10.963 თეთრი/კვტ. სთ. დაუწესა.
შპს „მტკვარი ენერჯისთვის“ მოქმედი ტარიფი 12.194 თეთრი/კვტ. სთ იყო(თბილსრესის N9 ბლოკი), 11.358 თეთრი/კვტ. სთ განისაზღვრა.
შპს „გარდაბნის თბოსადგურისთვის“ მოქმედი ტარიფი 9.056 თეთრი/კვტ. სთ - 8.056 თეთრი/კვტ. სთ. შეიცვალა „ჯიფაუერისთვის“ მოქმედი ტარიფი კი 14.120 თეთრი/კვტ. სთ იყო, ახალი ტარიფით 10.537 თეთრი/კვტ. სთ დაკორექტირდა.
სემეკის თავმჯდომარე ირინა მილორავას განმარტებით, ტარიფების შემცირება ვალუტის კურსით არის გამოწვეული.
„როდესაც ჩვენ ამ სადგურებისთვის დავადგინეთ ტარიფები 2016 წლის დეკემბრში, ტარიფში გავითვალისწინეთ კურსი 2.78 ლარის დონეზე, შესაბამისად, ეს კურსი დღესდღეობით არ გვაქვს, ამიტომ უნდა განხორციელებულიყო კორექტირება“,- აღნიშნა მილორავამ.
კითხვაზე, იმოქმედებს თუ არა დღევანდელი გადაწყვეტილება ელექტროენერგიის სამომხმარებლო ტარიფზე, მილორავამ უპასუხა, რომ ყველა კორექტირება მოქმედებს სამომხმარებლო ტარიფზე.
მონიკა დავლიანიძე